Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
POLITIKE
Dervishi: Protesta, gjëja më e bukur për Shqipërinë pas marrjes së IBAR-it
PiranjatPërditësimi i fundit 3 Qershor 2026, 21:09
Gazetari Lutfi Dervishi e ka vlerësuar protestën para Kryeministrisë, e nisur fillimisht kundër projektit në Zvërnec, si një nga zhvillimet më pozitive për jetën demokratike në vend pas marrjes së IBAR-it nga Shqipëria.
I ftuar në A2CNN, Dervishi tha se tubimi i ditëve të fundit, ku janë mbledhur qytetarë dhe aktivistë me kauza të ndryshme, duket se ka tejkaluar kufijtë e kundërshtimit të një projekti të vetëm dhe është shndërruar në një formë më të gjerë shprehjeje qytetare.
Megjithatë, ai theksoi se mungesa e një lidershipi të qartë dhe e kërkesave të unifikuara mbetet një nga sfidat kryesore të kësaj lëvizjeje.
“Tashmë protesta nuk po duket se ka shumë lidhje me Zvërnecin dhe vetëm me të. Është një nga gjërat më të bukura që ndodh pas marrjes së IBAR-it si lajm për vendin.
Tregon që një vend demokratik ku protesta s’ka mbetur monopol vetëm i partive politike apo e grupeve të ngushta të interesit, por është një protestë, o pa ngjyrë, ose shumë ngjyra, ku mbivendosen shumë parrulla, me aq sa munda të ndjek përmes ekranit të vogël.
Masa e protestuesve sa vjen edhe është më e pjekur, ka konsistencë, nëse e krahasojmë me thirrjet e opozitës, që ishte një protestë sot dhe një pas një muaji.
Këtu janë 3 ditë rresht dhe me sa duket mund të vazhdojnë. Masa është konsistente, problem është që është një masë pa kokë në kuptimin e lidershipit dhe kërkesave”, tha Dervishi.
