Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
VIDEO/ Ursula von der Leyen mbërrin në Tiranë/ Drejtuesja e KE-së po zhvillon takim me Presidentin Begaj
PiranjatPërditësimi i fundit 13 Tetor 2025, 09:18
Presidentja e Komisionit Evropian, Ursula von der Leyen ka mbërritur në Tiranë mëngjesin e sotëm, ndërsa është pritur në aeroport nga ambasadori i BE-së në Shqipëri, Silvio Gonzato.
Aktualisht von der Leyen është duke zhvilluar një takim me Presidentin e Republikës Bajram Begajn.
Teksa, në orën 10:00, bëhet e ditur se kryeministri Edi Rama dhe presidentja e KE-së do të zhvillojnë një takim kokë më kokë në ambientet e Kryeministrisë.
Pas takimit dypalësh, do të mbahet një takim bilateral mes delegacioneve të të dyja palëve.
Në orën 11:15, kryeministri Edi Rama dhe presidentja Ursula von der Leyen do të dalin në një konferencë të përbashkët për shtyp në Kryeministri, ku pritet të japin detaje rreth temave të diskutuara.
Pasditen e kësaj të hëne, Von der Leyen do të mbajë një fjalim në Konferencën Rajonale të Investimeve për Ballkanin Perëndimor, përpara se të udhëtojë për në Tivat të Malit të Zi, më pas në Bosnjë dhe Hercegovinë, Serbi, Prishtinë dhe në Shkup.
Vizita e Presidentes së KE-së vjen në një moment kyç për procesin e integrimit evropian të Shqipërisë, sa i përket hapjes së grupkapitujve me Bashkimin Evropian.
Muajin e kaluar, në Bruksel në Konferencën e 6-të ndërqeveritare me Bashkimin Evropian, (16 shtator) Shqipëria çeli 4 kapituj të grupkapitullit “Agjenda e Gjelbër dhe Ndërlidhja e Qëndrueshme”, duke e çuar në 24 numrin e grupkapitujve të hapur brenda 11 muajsh.
