Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
"Do të votojmë kundër projektligjit me KFW", Bardhi: Vlera që i vihet në dispozicion bashkisë dhe Veliajt e njëjtë me shumën e vjedhur nga inceneratori i Tiranës
r.llPërditësimi i fundit 9 Maj 2024, 14:24
gazment bardhi
TIRANË- Kreu i Grupit Parlamentar të PD, Gazmend Bardhi në foltoren e Kuvendit, tha se opozita do të votojë kundër projektligjit për marrëveshjen e huasë mes Shqipërisë dhe KFW për financimin e projektit "Transporti i Gjelbërt i Tiranës".
Bardhi tha se shuma e vjedhur me fatura nga inceneratori i Tiranës sipas SPAK është 40 milionë euro e njëjtë me shumën që kërkohet të miratohet me këtë projektligj. Ai tha se në avokatin e interesit publik do të votojnë kundër që ato para të shkojnë në bashkinë e Tiranës.
"I përgjigjem negativisht thirrjes së kolegut dhe dom ta votojmë kundër këtë projektligj,sepse ndryshe nga ju që keni besim te hajdutët si administrator ne kemi besim që paratë e qytetarëve shqiptar do të duhet të shkojnë për shërbime ndaj tyre. Vlera që i vihet në dispozicion bashkisë së Tiranës drejtuar nga Veliaj është ekzaktësisht e barabartë me vlerën që SPAK ka konstatur se janë vjedhur nga inceneratori i Tiranës.
Janë 40 milionë euro fatura fiktive që janë vjedhur paratë dhe janë dërguar jashtë vendit tonë pa ofruar asnjë shërbim. Edhe asokohe kur kolegët në qeveri na thonin të kemi besim pasi po pastronin Tiranën nga mbetjet por në të vërtetë nuk shikuan se paratë po vidheshin dhe po shkonin në xhepat e të korruptuarve. Ne në avokatin e interesit publik do të votojmë kundër që ato para të shkojnë në bashkinë e Tiranës.", tha Bardhi.
