Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
"Drejtori i Inceneratorit të Tiranës", Këlliçi denoncon në SPAK Elton Buallin: Ka marrë 310 mijë euro nga fondet e IPARD
M.B.Përditësimi i fundit 24 Korrik 2024, 12:34
Belind Këlliçi
TIRANA- Anëtari i Kryesisë së Partisë Demokratike, Belind Këlliçi ka denoncuar sot në SPAK, Elton Buallin, atë që ai e quan drejtori i Inceratorit të Tiranës. Në një komunikim për mediat nga jashtë ambienteve të SPAK, Këlliçi tha se Bualli ka marrë 500 mijë euro nga Klodian Zoto për të marrë një truall nëe Sharrë. Ai shtoi se Bualli përmes Stela Gugallias ka aplikuar në AZHBR dhe ka përfituar 310 mijë euro fond nga IPARD. Sipas Këlliçit, paratë që duhet të merrnin fermerët i ka marrë Bualli me Stela Gugallian
“Kemi denoncuar një anëtar të grupit kriminal të inceneratorit të Tiranës, Elton Bualli. Konfliktet dhe denoncimet e para për këtë individ kanë nisur në përballjen që kemi pasur në landfillin e Sharrës për të bërë denoncimin. Këtë individ SPAK e ka harruar që ky është drejtori i inceratorit të Tiranës.
Ky individ ka marrë 500 mijë euro nga Klodian Zoto për të marrë një truall në landfillin e Sharrës dhe më pas për të aplikuar përmes Stela Gugallias në AZHBR dhe për të përfituar 310 mijë euro nga fondet e programit IPARD. Pra paratë që duhet të merrnin fermerët i ka marrë ky me Stela Gugallian”, tha Belind Këlliçi.
