Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
"E takova dje në burgun e Fierit!" Meta për vendimin e Gjykatës së Lartë për Salianjin: Asnjë surprizë nga togat e zeza të Edi Ramës
M.B.Përditësimi i fundit 16 Tetor 2024, 14:18
TIRANA- Presidenti i Partisë së Lirisë, Ilir Meta ka komentuar sot në një konferencë për shtyp vendimin e Gjykatës së Lartë, e cila rrëzoi rekursin e Ervin Salianjit për pezullimin e dënimit me një vit burg. Meta tha se nuk u surprizua nga vendimi.
Veç kësaj, Meta tha se e kishte takuar ditën e djeshme në burg e Fierit, Salianjin. Ai shtoi se për për çështjen e emigrantëve të ardhur si rezultat i marrëveshjes me Italinë, e gjithë Shqipëria duhet të ngroihet në protesta.
“Asnjë surprizë nga togat e zeza të Edi Ramës në sistemin e Ramaformës. Unë dje me kërkesën time, vizitova deputetin Salianji në burgun e Fierit dhe shpreh bindjen time se kjo burgosje politike tregon tmerrin e regjimit nga fuqia denoncuese e opozitës së vërtetë, e sidomos nga fakti që i është bërë lidhjeve më të larta të narkoqeverisë me trafikun e drogës, është dhe një tmerr për zgjedhjet që vijnë sepse mendojnë se do të trembin deputetët, gazetarët e pa blerë, në denoncimet e ardhshme.
E gjithë Shqipëria duhet të ngroihet në protesta në mënyrë që ku të mos jetë një vend konglomerat emigrantësh të huaj ku të mos flitet më as gjuha shqipe”, tha Meta.
