Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
"Energjia për biznesin do zbresë në 6 lekë", Berisha: Shërbimet u janë larguar qytetarëve, një ndarje tjetër territoriale është e domosdoshme
r.llPërditësimi i fundit 22 Mars 2025, 14:17
sali berisha
TIRANË- Kryetari i PD-së, Sali Berisha në bashkëbisedimin me qytetarët ka deklaruar se çmimi i energjisë nga 18 dhe 24 lekë që është sot do të zbresë në 6 lekë për çdo biznes. Për diasporën, Berisha ka theksuar se për 5 vjet nuk do të paguajë taksa.
"I dashur Joni, tani të them të vërtetën, për energjinë nuk do e paguajë vetëm diaspora, por çdo biznesmen shqiptar. Energjia do zbresë nga 18 dhe 24 lekë që blihet sot, do zbresë në 6 lekë. Gjer në vitin 2013, energjia është shitur me 67 lekë. Tani energjia do jetë fiks 6 lekë për çdo biznes. Së dyti, pa diskutim që do lihen 5 vjet pa taksa dhe natyrisht do paguajnë sigurime shoqërore, por edhe aty do shohim për lehtësira. Kurse asnjë taksë tjetër gjersa të ngrihet në këmbë dhe të bëhet i suksesshëm biznesi i tyre. Impakti në biznes? Asnjë impakt negativ sepse këto janë investime të cilat pas 5 vitesh fillojnë dhe japin.", tha Berisha.
Më tej ai tha se pushteti vendor është kthyer në shërbimin e pushtetit qendror. Berisha tha se kjo është fatkeqësi e madhe, ndërsa shtoi se rasti i fundit ishte që kryeministri Edi Rama mori përsipër bashkinë e Tiranës.
"E keni shumë të drejtë, pushteti vendor është shndërruar në një vasal të pushtetit qëndror dhe kjo është një fatkeqësi e madhe. Keni shumë të drejtë. Kushtetuta e Shqipërisë i jep autonomi të plotë pushtetit vendor. Kushtetuta e Shqipërisë nuk lejon qeverinë qendrore ti diktojë qeverisë vendore.
Puçi që ndodhi së fundi është shprehja më evidente, ku Edi Rama merr përsipër dhe emëron kryetaren e deleguar që nuk ekziston në asnjë nen të ligjeve dhe kushtetutës. Defakto mori përsipër të jetë edhe vetë kryetar bashkie. Natyrisht kjo është e thjeshtë. Kërkon në radhë të parë zbatimin e Kushtetutës dhe vendimeve të Gjykatës Kushtetuese dhe kartës Europiane.
Por një ndarje tjetër territoriale është e domosdoshme sepse shqiptarëve u bë ky përqendrim në bashki, me pretendimin se do të kursehen shërbimet me vendosjen e shërbimeve digjitale. Në të vërtetë numri i punonjësve është mbidyfishuar sot me periudhën para reformës dhe mbi taksat e qytetarëve rëndon një burokraci dy herë më e madhe. Shërbimet u janë larguar qytetarëve edhe ditë e netë të tëra. Kështu që kjo reformë do të rishikohet me përparësi.", u shpreh kryedemokrati.
