Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
Çështja e Berishës dhe Malltezit në Kushtetuese, gjyqtarja Marsida Xhaferllari tërhiqet nga trupa gjykuese
r.llPërditësimi i fundit 9 Janar 2025, 16:51
TIRANË- Gjyqtarja e Gjykatës Kushtetuese, Marsida Xhaferllari, është tërhequr nga trupa që shqyrton çështjen e kreut të PD-së, Sali Berishës dhe dhëndrit të tij, Jamarbër Malltezit. Në dokumentin ku arsyetohet tërheqja e saj nga kjo çështje, ajo shprehet se ka zgjedhur të heqë dorë në interes të ruajtjes së reputacionit të Gjykatës Kushtetuese.
Malltezi kishte kërkuar në tetor largimin e saj nga çështja, ku sipas gjyqtares "Malltezi ka vënë në dyshim paanshmërinë time, për të cilën paraqet si shkak ndërhyrjen nga persona të tretë, të cilët sipas kërkuesit kanë interes të drejtpërdrejtë politik në izolimin e kërkuesit dhe të vjehrrit të tij, z. Sali Berisha për arsye politike"
“Me anë të kësaj kërkese parashtroj qëndrimin tim në kohën më të shkurtër të mundshme (duke vënë në dukje se në periudhën 09-13.10.2024 së bashku me të gjithë gjyqtarët kemi qenë me shërbim jashtë vendit), si një shenjë e detyrimit ligjor dhe etik që kam për të vlerësuar me seriozitet këtë kërkesë, pavarësisht nga baza e saj, për t’i përçuar jo vetëm kërkuesit mesazhin se kjo Gjykatë, dhe unë si anëtare e saj, trajtojmë me seriozitet çdo kërkesë të palëve”, shprehet gjyqtarja në shkresën drejtuar kreut të Gjykatë Kushtetuese.
Gjyqtarja Xhaferllari gjithashtu hedh poshtë pretendimet për ndikim nga figura politike të ndryshme, qe sipas saj nuk qëndrojnë.
“Në asnjë rast, asnjë familjar dhe asnjë person me lidhje të afërta me mua nuk ka tentuar të më ndikojë në ushtrimin e detyrës. Në kërkesë nuk ka asnjë provë që sugjeron një veprim specifik nga ana ime, por vetëm aludime subjektive të palëve të treta.
Duke mbajtur në konsideratë lidhjen që çështja e kërkuesit ka me çështjen tjetër kushtetuese, të paraqitur nga ankuesi Sali Berisha për kundërshtimin e vendimmarrjes së gjykatave të juridiksionit të zakonshëm për caktimin e masave të sigurimit ndaj tij, ju lutem konsideroni se deklaroj për të njëjtat shkaqe heqjen dorë edhe prej saj”.”, shprehet ajo në dokumentet e mëposhtme.
Ndërkohë Sali Berisha dhe Jamarbër Malltezi kanë depozituar kërkesën në Gjykatën Kushtetuese për shqyrtimin e masave të sigurisë të caktuara ndaj tyre.
