Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Hetimet për kryebashkiakun e Tiranës/ Biznesmeni Elman Abule paraqitet në SPAK
M.B.Përditësimi i fundit 9 Janar 2025, 10:14
TIRANA- Biznesmeni Elman Abule është paraqitur ditën e sotme në Prokurorinë e Posaçme. Mësohet se Abule është thirrur si person që ka dijeni në kuadër të hetimeve të hapura ndaj kryebashkiakut Erion Veliaj.
Ditën e djeshme gruaja e biznesmenit Elman Abule, Marisa Nito është thirrur në Prokurorin e Posaçme në gjithashtu kuadër të hetimeve të hapura ndaj kryebashkiakut Erion Veliaj. Mësohet se Nito ka mbërritur dje në Prokurorinë e Posaçme rreth orës 10:30 për të dhënë deklarime lidhur me hetimet që po kryhen nga SPAK, ndaj kryebashkiakut të Tiranës Erion Veliaj dhe familjarëve të tij për 4 vepra penale. Ajo është paraqitur e vetme dhe pa prezencën e avokatit, për të dhënë shpjegime si person në dijeni për rrethanat e hetimit.
Sipas hetimeve të deritanishme, janë zbardhur komunikime të sipërmarrëses Nito dhe bashkëshortes së Erion Veliajt, Ajola Xoxës, ku evidentohet një marrëdhënie tregtare krahas asaj të paraqitur si miqësore mes bashkëshorteve të biznesmenit Elman Abule dhe kryebashkiakut të Tiranës.
Kryebashkiaku i Tiranës, Erion Veliaj, është paraqitur në ambientet e Prokurorisë së Posaçme disa ditë më parë ku është marrë në pyetje për disa vepra penale. Veliaj ishte i shoqëruar nga drejtori juridik i bashkisë së Tiranës, Alban Dokushi ka qëndruar në ambientet e SPAK për më shumë se 5 orë.
Mëngjesin e 6 dhjetorit me urdhër të Gjykatës së Posaçme kundër Korrupsionit dhe Krimit të Organizuar, oficerët e policisë gjyqësore ushtruan kontrolle në zyrat e kompanisë së bashkëshortes së kryebashkiakut të Tiranës Erion Veliaj, ndërsa më parë i kishin sekuestruar dhe telefonin celular.
Kontrolle u ushtruan dhe në banesën e vëllait të Veliajt. Vetë Prokuroria e Posaçme nuk dha detaje, por u mjaftua të shpjegojë se ka kryer disa "veprime hetimore në kuadër të një procedimi penal". Ndaj Veliajt ka nisur një hetim pasuror, ndërsa po shihet dhe roli i tij në rastin e inceneratorit të Tiranës si dhe në çështjen e kompanisë "5D", që zotërohej nga ish-drejtorë të Bashkisë.
