Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
"Fatale që për mustaqet e Kujtim Gjuzit të humbasim trenin e historisë", Rama nga Kukësi: Dera e BE-së mund të mbyllet, na duhet fuqi e shtuar
n.fPërditësimi i fundit 30 Prill 2025, 19:05
KUKËS- Kryeministri Edi Rama gjatë fjalës së tij nga Kukësi ka fokur në lidhje me rëndësinë që kanë zgjedhjet e 11 majit për rrugëtimin e vendit tonë në anëtarësimin në BE. Rama ironizoi opozitën duke u shprehur se gjëja më madhështore që kanë janë mustaqet e Kujtim Gjuzit. Sipas tij do të ishte fatale që për mustaqet e Gjuzit vendi të humbasë trenin e historisë.
Rama më tej theksoi se në zgjedhjet e 11 majit kuksianët duhet të votojnë për PS-në. Ai tha se dera e BE-së nuk qëndron shumë gjatë hapur dhe se duhet të shfrytëzohet ky rast për tu bërë pjesë e familjes evropiane.
"Do ishte fatale që për mustaqet e Kujtim Gjuzit të humbasim trenin e historisë. Gjëja e vetme madhështore në atë kënetë, janë mustaqet e Kujtim Gjuzit. 2027 është një afat. Historia e BE ka treguar se BE është një shtëpi të pasurish. Ajo derë nuk rri hapur. Ajo derë hapet kur të gjithë ato që janë brenda bien dakord të hapet dera.
Dhe e hapin vetëm kur kanë interes. Sot ka ndodhur ajo për të cilën luftoj. Nuk është interesi jonë të hyjmë atje, por është dhe interesi i tyre që të na marrin. Por ajo derë mund të mbyllet. Këtu vijmë në parlament, del bufi, shfaqet zhapiku. Janë dhe disa insekte të reja që kanë dalë në fushë. Nuk mund ti themi Europës na kanë dalë ca probleme me insektet në shtëpi. Për këtë na duhet fuqia e shtuar," tha ai.
