Një tjetër rast mashtrimi nga Florian Gjergji. I riu nga Shkodra, i cili dyshohet se ndodhet në Gjermani ka arritur që të mashtroj&eu...
POLITIKE
“Ferit Hoxha pranoi se ka fyer shqiptarët e Maqedonisë së Veriut”, Këlliçi: Ministri i Jashtëm thelloi skandalin, të shkarkohet menjëherë!
PiranjatPërditësimi i fundit 27 Prill 2026, 15:53
Deputeti i PD Belind Këlliçi ka reaguar përmes një postimi në rrjetet sociale në lidhje me deklaratën e sotme të ministrit të Jashtëm Ferit Hoxha, i cili, sipas deputetit ka pranuar se është autori i mesazhit fyes ndaj shqiptarëve të Maqedonisë së Veriut.
Ai u shpreh se Hoxha ka “thelluar skandalin” dhe se duhet të shkarkohet menjëherë nga detyra si kryediplomat i vendit.
Këlliçi iu referuar deklaratës së sotme të ministrit Hoxha, i cili kur u pyet gjatë një konference sot për mesazhin e publikuar, tha se ishte një çështje që i takonte javës së kaluar.
Reagimi
Feriti thellon skandalin, duhet të shkarkohet menjëherë! Ferit Hoxha ka bërë një hap përpara sot, duke pranuar se është autor i mesazhit fyes e të papranueshëm ndaj shqiptarëve të Maqedonisë së Veriut. Por menjëherë ka treguar fytyrën e vërtetë që ka çdo bashkëpunetor i Edi Ramës, arrogacën dhe papërgjegjshmërinë totale! E cilëson etiketimin që u bëri shqiptarëve atje, si idiotë, si një gjë të parëndësishme, që ka kaluar, që duhet harruar. Me këtë sjellje poshtëruese, Ministri i Jashtëm i Shqipërisë e thellon edhe më shumë skandalin. Pranon se është ai autori, por thotë se është e parëndësishme, se nuk ja vlen të merremi me atë çështje. Pra sipasj tij, t’i fyesh shqiptarët e Maqedonisë së Veriut, nga pozita e kryediplomatit, është normale dhe është çështje e vogël, e parëndësishme. E vetmja gjë që duhet të bënte ky arrogant, është të kërkonte falje dhe të jepte dorëheqjen. Duke e thelluar edhe më shumë këtë skandal, Hoxha meriton shkarkimin e menjëhershëm. Ai nuk përfaqëson as diplomacinë, as shtetin shqiptar. Përfaqëson vetëm interesat e Edi Ramës, si kukull e tij që është.
