Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Flasim për historinë sot, apo sa bëjnë 7x7!" Rama: Më 11 maj fokusohuni te negociatat, jo partitë!
M.B.Përditësimi i fundit 20 Mars 2025, 09:42
TIRANA- Kryeministri Edi Rama ka vijuar sot me përgjigjet live për komentuesit në rubrikën "Sy m'sy". Rama tha se më 11 maj shqiptarët që votojnë duhet të fokusohen te negociatat dhe jo partitë. Ai shtoi se janë 1 mijë veta që punojnë për negociatat. Rama tha se duhet të flitet për historinë dhe jo për "7x7", duke ironizuar dhe një herë Lulzim Bashën.
“Nuk ka rëndësi se kur më mbaron mandati, por rëndësi që të mbyllen negociatat në 2027. Në 11 Maj të gjithë duhet të fokusohen te negociatat dhe jo të partitë. 1 mijë vetë që janë sot tani që flasim punojnë për negociatat. Janë 40 skuadra në të gjithë rrafshin e punëve të shtetit. Ata duhet të garantojnë që negociatat mbyllen në 2027 dhe ne duhet të bëjmë të gjitha detyrat e shtëpisë, si qeveri, parlament si institucionet e pavarura.
Kur të mbyllen negociatat në 2027, më pas komisioni i dorëzon 27 vendeve raportin që Shqipëria mbylli negociatat dhe për ne është shtet i ri i BE. Dhe 27 parlamentet do të ngrenë dorën dhe pranojnë Shqipërinë. Flasim për historinë sot, apo sa bëjnë 7x7. Historinë më 11 Maj çdo shqiptar mund të japë një dorë që ta shkruajmë së bashku. PS është thjesht forca e duhur në vendin dhe në kohën e duhur", tha Rama.
