Detaje të reja janë zbardhur nga ngjarja e rëndë në Maliq. Mësohet se në momentin e arrestimit, autori Violand Braçe...
POLITIKE
"Na lër rehat dhe dil nga jeta jonë!" Rama-komentuesit: Vetëm PS e integron Shqipërinë në BE, s’ka rëndësi kush ulet i pari në tryezë
M.B.Përditësimi i fundit 20 Mars 2025, 09:42
TIRANA- Kryeministri Edi Rama ka vijuar sot me përgjigjet live për komentuesit në rubrikën "Sy m'sy". Rama tha se mbyllja e TikTok është sipas tij gjëja më e shëndetshme që duhet të bëhej. Ai shtoi se qeveria po punon me kompaninë e TikTok për mbylljen përfundimtare dhe po presin një plan për filtrat që do të vendosë për të siguruar fëmijët dhe për të minimizuar bullizmat. Gjithashtu Rama tha se 95% prindër e mësues janë shprehur 'pro' mbylljes së TikTok duke vendosur interesin e fëmijëve para tifollëzkut partiak.
Teksa vijoi të fliste përnegociatat me Bashkimin Europian, Rama tha se vetëm Partia Socialiste e integron Shqipërinë në BE. Ai shtoi s’ka rëndësi kush ulet i pari në tryezë si kryeministër, por theksoi se beson se do të jetë socialist.
Komentuesi: Edhe ti pasqyrove që nuk je njeri i mirë që na mbylle TikTok dhe do na lësh pa argëtim. Stopoje këtë çmenduri se do të hysh në histori si kryeministri i censurës në rrjete sociale. Na lër rehat dhe dil nga jeta jonë.
Rama: Nuk është çmenduri por gjëja më e shëndetshme që mund të bëhet dhe ajo që ne po bëjmë. Nuk është se e kemi mbyllur TikTok njëherë e mirë por po e mbylli. Ditë për ditë po ngushtohet. Me kompaninë po punojmë dhe po presim një plan për filtrat që do të vendosë për të siguruar fëmijët, për të minimizuar bullizmin, për të futur gjuhën shqipe, për të stimuluar me algoritëm programet e reja për shkencën dhe argëtimin. Mos dëgjo bufin se do të hysh në histori kështu e ashtu, ai e ka kryer me histori. Le të rrotullohet nga të dojë në histori, e ka vendosur veten në një piedestal me kallama. Mos shko pas bufit se të ha. Po kontribuo që të hajmë kënetën....
Kur në bëmë këshillimin e gjerë me 65 mijë prindër dhe mësues, 95% prej tyre thanë të mbyllet. Patjetër që 95% e prindërve dhe mësuesve nuk janë socialistë. Një pjesë e mirë e tyre nuk votojnë për ne, një pjesë e tyre janë akoma nën efektin e kënetës, por kur erdhi puna te fëmijët nuk pyetën fare. Interesin e fëmijëve e vunë para tifollëzkut partiak. Ky është 11 maji, interesi i Shqipërisë është para tifozllëkut partiak. Nuk ka pikë rëndësi, më pëlqen apo jo Rama, unë dhe PS ta garantojmë që mbyllim negociatat për të gjitha llojet e niveleve që kemi pasur në raport me Europën. Nuk ka pasur asnjë udhëheqës Shqipëria që udhëheqësit e Europës t’i këtë në celularin e vet.
Kjo është histori për libra, jo për t’u treguar sa kohë jam unë në detyrë. Pse e them këtë? Se s’duhet të kemi asnjë luhatje. Këtu nuk është çështje a do të fitojë PS artimetikisht. Nuk diskutohet, por çështja është që PS të marrë një mandat të fortë që mos të ketë asnjë luhatje. Pastaj s’jam unë në 2029, kemi kry punë ne. Ratifikimi merr një 2-vjeçar, unë besoj se do bëhet edhe më shpejt, por kemi kry punë ne. A jam unë që shkoj atje dhe ulem për herë të parë tek ajo Albania, apo është dikush tjetër, nuk ka pikë rëndësie, por do ta vë atë Albania aty. Do ta marr përdore kushdo të jetë, besoj do jetë socialist, mund të jetë edhe socialiste. Por do e marr për dore dhe do u them vazhdoni ju gjenerata e TikTok drejtoni Shqipërinë.
