Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Fredi Beleri lë sot Athinën, niset drejt Strasburgut për të kryer betimin e tij si eurodeputet i PE
r.llPërditësimi i fundit 16 Korrik 2024, 08:12
fredi beleri
ATHINË- Eurodeputeti dhe ish-kryebashkiaku i zgjedhur i Himarës, Fredi Beleri ndodhet në Ahtinë nga ku sot do të niset drejt Strasburgut për të kryer betimin e tij në Parlamentin Europian dhe për të marrë pjesë në punimet e tij.
Beleri e la qelinë mëngjesin e djeshëm, ndërsa udhëtimi i tij u mundësua falë një leje shpërblyese të lëshuar nga Drejtoria e Burgjeve, sipas së cilës ai do të duhet të kthehet brenda datës 20 korrik. Përveç familjarëve, për ta pritur kishin dalë dhe përfaqësuesë të ambasadës greke, ndërsa interesim të lartë kishte dhe nga media greke, për të cilat ai dha disa deklarata të shkurtra.
Eurodeputeti foli për mediat shqiptare nga aeroporti i Rinasit, nga ku falenderoi Drejtorinë e Burgjeve për lejen, ndërsa tha se ishte një vendim në kuadër të ligjit.
“Dua të falenderoj Drejtorinë e Burgjeve që mori këtë vendim. Ishte një vendim në kuadër të ligjit dhe logjikës. Po nisem drejt Athinës për të shkuar më pas në Strasburg në mbledhjen që do marrë vendime të rëndësishme. Besoj që tani e tutje do i kthehem normalitetit,” tha Beleri.
I pyetur se përse nuk e lejuan të betohet si kryebashkiak, por po e lejojnë të shkojë në Strasburg, ai tha: “Për mua që në fillim të kësaj çështje ka pasur dy standarde. Vazhdojnë akoma këto dy standarde”.
Në lidhje me votimet e 4 gushtit në Himarë, Beleri tha: “Herët a vonë, dëshira e sovranit respektohen. Me 4 gusht besoj se himariotët do japin një përgjigje dhe dëshira e tyre do respektohet dhe pasqyrohet te rezultati i zgjedhjeve”. Gjithashtu Beleri deklaroi se vendimin e Gjykatës Speciale ndaj tij do e ankimojë në të gjitha hallkat, deri në Strasburg.
Pas mbërritjes në Athinë, Beleri zhvilloi një takim edhe me kryeministrin e Greqisë, Kyriakos Mitsotakis, njëkohësisht edhe kryetari i partisë "Demokracia e Re", nga radhët e së cilës ai kandidoi si eurodeputet.
Pas dënimit nga Apeli me 2 vite burg për korrupsion zgjedhor, Komisioni Qendror i Zgjedhjeve i hoqi Fredi Belerit mandatin e të zgjedhurit si kryetar bashkie në Himarë dhe më pas presidenti i Republikës shpalli zgjedhjet e pjessmeshme për kreun e kesaj bashkie më 4 gusht të këtij viti.
