Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
“Gjenerata Z të ngrihet”, Arben Malaj ironizon Ramën: Kujtoi se BE do t’i hapte dyert për batutat e tij!
PiranjatPërditësimi i fundit 18 Mars 2026, 19:19
Ish-ministri i Financave, Arben Malaj, ka paralajmëruar pasoja nga qeverisja e kryeministrit Edi Rama në rrugën e integrimit europian.
Ai thekson se çdo kapriço e Ramës do të jetë e shtrenjtë për shqiptarët.
“Problemi është se Rama ka besuar në mënyrë të verbër se dashuria e madhe e liderëve europianë me batutat e tij do i lehtësonte rrugën Shqipërisë, por kjo nuk është e vërtetë. Për 11 vite rresht Rama nuk bëri asnjë hap përpara. Dy vitet e fundit, BE nuk do që të lërë të vdesë inspirimin në Ballkan për të ardhmen. Në këtë aspekt u lehtësua procesi i çeljes së kapitujve”, tha Malaj, në një intervistë të fortë për emisionin “Task Forcë” në "Syri TV".
Ai shton se pengesat ndaj reformës në drejtësi dhe mbrojtja e politikanëve nga SPAK janë të papranueshme: “Vija e kuqe është ndëshkimi i të pandëshkueshmëve kushtëzonte integrimin në BE. Miratimi i reformës është nën mbikqyrjen e drejtëpërdrejtë të disa vendeve të BE-së dhe në momentin që identifikohen disa hapa pas, sidomos jo thjesht në faktin që u dënua ky apo ai, por a do të marrim masa për të bllokuar fuqinë e SPAK e të krijojmë imunitet mbrojtës për politikanët është e papranueshme. Ta kesh këtë problem me Gjermaninë është akoma më e dhimdshme”.
Malaj i drejtohet edhe ministrit të Jashtëm, Ferit Hoxha, duke i kërkuar ta qartësojë kryeministrin: “Ai duhet ta qartësojë kryeministrin se Shqipëria ka vetëm një rrugë të ecë përpara, nuk e pengon Edi Rama. Do krijojë ca pengesa por do të ketë një fund si lideri më antieuropian në historinë e Shqipërisë.”
Ai kritikon gjithashtu ndikimet e jashtme dhe lojërat e liderëve rajonalë: “Veton nuk e heq dot Rama edhe ta dorëzojë. Nuk e di pse e bëri vetëm me Vuçiçin se mund ta bënte si propozim i Ballkanit Perëndimor, por ato dashuritë e vjetra se do të shkëmbejmë territoret dhe do të zhdukim konfliktet Shqipëri – Kosovë, janë hipnozat e një lideri të palexuar për BE-në dhe egoist.”
Në fund, Malaj i bën thirrje gjeneratës Z të marrë kontrollin mbi të ardhmen e vendit: “Apel për gjeneratën Z që moçali i politikës shqiptare i ka vrarë ëndrrat. Sheshet duhet të marrin të rinjtë. Rinia shqiptare duhet të marrë më shumë përgjegjësi.”
