Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Gjetja" e kryeparlamentares Lindita Nikolla, me të njëjtin fjalim "copy paste" në Tiranë dhe Washington
r.llPërditësimi i fundit 9 Korrik 2024, 21:42
lindita nikolla
SHBA- Kryetarja e Kuvendit, Lindita Nikolla ka marrë pjesë sot në një takim me kryeparlamentarët e vendeve të NATO-s në SHBA.
Nikolla ka mbajtur fjalën e saj në takim, ndërsa duket se nuk është munduar shumë për të zgjedhur fjalët që do thonte para homologëve të saj.
Të njëjtin fjalim që ka përdorur në një event tjetër, e lexoi "copy-paste" edhe kësaj radhe në Uashington. "Sekretin" e fjalimit të kryeparlamentares e zbuluar gazetari Isa Myzyraj përmes një postimi në faqen e tij në Facebook.
REAGIMI I PLOTË I GAZETARIT:
Sot kryetarja e kuvendit Lindita Nikolla mori pjesë në samitin e Kryetarëve të Parlamenteve të vendeve anëtare të NATO-s, zhvilluar në Washington DC, me rastin e 75-vjetorit të themelimit të Aleancës.
Ajo që ndodhi ishte se një pjesë e madhe e fjalimit të Nikollës ishte copy-paste e fjalimit të saj në takimin hapës të Komisionit për Demokraci dhe Siguri i Asamblesë Parlamentare të NATOS-s që u mbajt në Shqipëri në 16, 17 dhe 18 prill.
Fjalimi 16 prill 2024: Si anëtare e NATO-s, Shqipëria është rasti më tipik që dëshmon se kontributi në Aleancë nuk varet as nga madhësia e vendeve anëtare, as nga pasuria, as nga niveli i zhvillimit, as nga historiku dhe jetëgjatësia në Organizatë. Por nga përkushtimi i sinqertë për paqen, sigurinë dhe lirinë e kombeve.
Fjalimi 9 korrik 2024: Shqipëria, si një vend anëtar i ri në NATO, është rasti kuptimplotë që provon se kontributi në Aleancë nuk varet as nga madhësia e vendeve anëtare, as nga pasuria, niveli i zhvillimit, historia e jetëgjatësia në Organizatë, por nga angazhimi i sinqertë për paqe, siguri dhe liri.
Fjalimi 16 prill 2024: Ne, shqiptarët, e kemi fituar besimin dhe bindjen e Shteteve të Bashkuara dhe anëtarëve të tjerë të mëdhenj e të NATO-s, me përkushtimin tonë të qartë, të vendosur dhe pa asnjë dilemë në zbatimin e vendimeve të Aleancës.
Fjalimi 9 korrik 2024: Ne, shqiptarët, kemi fituar besimin e Shteteve të Bashkuara dhe të anëtarëve të tjerë të NATO-s me angazhimin tonë të qëndrueshëm dhe të vendosur në zbatimin e vendimeve të Aleancës.
Fjalimi 16 prill 2024: Investimi për paqen dhe sigurinë nuk sjell sigurokraci, por ushqen procesin, institucionet dhe vlerat demokratike.
Fjalimi 9 korrik 2024: Investimi në paqe dhe siguri nuk sjell sigurokraci. Përkundrazi, ai nxit procesin, institucionet dhe vlerat demokratike.
Fjalimi 16 prill 2024: Kjo sinergji ka më shumë domethënie në kushtet e luftrave në Ukrainë dhe Lindjen e Mesme.
Fjalimi 9 korrik 2024: Kjo sinergji është më domethënëse atëherë kur kërcënimet e luftës janë të dukshme, pas agresionit të Rusisë ndaj Ukrainës dhe situatës në Lindjen e Mesme.
