Deputeti i Partisë Demokratike Saimir Korreshi komentoi deklaratën e kryeministrit Edi Rama se prindërit e studentëve duhet të paguajn&...
Furtuna e paralajmëruar nga kryeministri Edi Rama në administratën shtetërore ka nisur të marrë formë konkrete. Pas ultimatum...
Protestat kundër qeverisë shqiptare kanë tërhequr vëmendjen e revistës prestigjioze “The Economist”, e cila i analizon...
Partia Popullore Evropiane, grupimi më i madh i partive politike të djathta dhe të qendrës në Evropë, reagoi sërish për ...
Pas kontrolleve nga SPAK, biznesmeni izraelit, Ron Yeffet, po përballet me telashe edhe në Shtetet e Bashkuara të Amerikës. Përplasj...
Kontrolli i Lartë i Shtetit ka nisur një auditim në Spitalin e Traumës, pasi mbrëmjen e 19 tetorit, në kulmin e protestave stude...
Qeveria e Mbretërisë së Bashkuar ka bërë të ditur se po punon për të identifikuar çdo ekspozim të mundsh&e...
Të paktën tre persona kanë humbur jetën si pasojë e stuhive të fuqishme dhe përmbytjeve që goditën jugun e Franc&...
Kryeministri i Kosovës, Albin Kurti, i kërkon Bashkimit Evropian të bëjë hapin e radhës drejt integrimit të vendit, duke i ...
“Nëse Edi Rama do të zhvillonte zgjedhje tani, do t’i humbiste ato”. Kjo është deklarata që ish-presidenti serb Ale...
Deputeti i Partia Demokratike, Gjin Gjoni, ka ngritur dyshime për nismën e fundit të kryetarit të Gjykata e Lartë e Shqipërisë, Sokol Sadushi, për ndryshimin e praktikës mbi masat e sigurimit personal dhe zbutjen e standardeve të paraburgimit.
I ftuar në emisionin “Task-Forcë” në Syri TV, Gjoni deklaroi se vendimmarrja që pritet të diskutohet nga Kolegjet e Bashkuara më 9 prill është e imponuar politikisht dhe lidhet me zhvillimet brenda Partia Socialiste e Shqipërisë.
Sipas tij, zgjatja e mandatit të Sadushit në krye të Gjykatës së Lartë është bërë me ndërhyrje ligjore nga shumica parlamentare, duke e çuar qëndrimin e tij në detyrë deri në vitin 2028, gjë që, sipas Gjonit, bie ndesh me parimet kushtetuese për mandatin e drejtuesve të institucioneve.
Deputeti demokrat paralajmëroi se do të kërkojë që opozita të bëjë padi në Gjykata Kushtetuese e Shqipërisë për të shpallur antikushtetues ligjin që zgjati qëndrimin në detyrë të kryetarit të Gjykatës së Lartë. Ai shtoi se kompetenca për çështje të tilla i takon Këshilli i Lartë Gjyqësor dhe jo parlamentit.
Gjoni argumentoi gjithashtu se vendimi për unifikimin e praktikës mbi paraburgimin nuk ka bazë reale juridike dhe është një çështje me theks politik, duke theksuar se gjykatat kanë qenë gjithmonë ato që vendosin përfundimisht mbi masat e sigurimit.
Unë e shtroj në, jo vetëm në kontekstin politik, por edhe në kontekstin juridik dhe zoti Muçi e përmendi me të drejtë. Unë them që vendimmarrja e cila do merret, Kolegjet e Bashkuara do të diskutojnë me datën 9 prill, është një vendimmarrje e imponuar. Dhe kjo është për shkak të politikës. Sepse çfarë ndodh? Në momentin aktual, për shkak të situatave politike të cilat janë krijuar brenda Partisë Socialiste, urdhëri është marrë nga kryeministri dhe Gjykata e Lartë dhe kryetari i Gjykatës së Lartë është një manikin në duart e kryeministrit.
Për një arsye shumë të thjeshtë, sepse po të shihni, që nga momenti i emërimit në vitin 2020, zoti Sadushi edhe deri sot dhe po ta shihni dhe të gjithë zhvillimet, ka marrë një mandat i komanduar tre vjeçar, ka marrë një mandat të emëruar tre vjeçar dhe i është shtyrë përsëri me ligj i cili ka kaluar para dy javësh, afati i qëndrimit në detyrë si kryetar i Gjykatës së Lartë. Pse? Se këta njerëz janë përgatitur, janë përgatitur për të qenë drejtues të Gjykatës së Lartë dhe për të kryer këtë për një ditë të caktuar.
Për një ditë të vështirë. Për një arsye shumë të thjeshtë, sepse ligji e ka përcaktuar në mënyrë taksative, kryetarët dhe drejtuesit e institucioneve nuk qëndrojnë në detyrë më shumë se se në një mandat, në rastin e kryetarit të Gjykatës së Lartë. Rezulton që zotëria në fjalë, në dhjetor të 2026-ës i mbaron edhe mandati i dytë. Dhe çfarë ka ndodhur?
Me urdhër të institucioneve të Partisë Socialiste, mandati u çu deri në 2028-ën, pavarësisht se u votu në 2027-ën, për shkak të ndryshimeve dhe ndërhyrjes së kryetarit të Komisionit të Ligjeve. Çka tregon që gjithçka është një shërbim që i bëhet kryetarit të Gjykatës së Lartë dhe kryetari i Gjykatës së Lartë po i bën një shërbim dhe po i kthen një shërbim Partisë Socialiste. Kjo është e gjitha, sepse po t'i referohemi edhe sot statistikave nuk mund të ndodhë, kjo është në kundërshtim. Për mua, unë do e ngre edhe ditën e nesërme në mbledhjen e grupit parlamentar, Partia Demokratike duhet të bëjë padi urgjentisht për ta shpallur anti-kushtetues sepse...
Absolutisht, jo, them në lidhje me ligjin i cili ka zgjatur qëndrimin në detyrë. Pse? Sepse nëpërmjet parlamentit, nëpërmjet ligjit ka marrë kompetencat e organit kushtetues, i cili është përcaktuar Këshilli i Lartë Gjyqësor dhe kjo është anormale. Edhe për një arsye tjetër, sepse në rastin e Gjykatës së Lartë, ka vendim të specifikuar që ka dalë në vitin 2003 për mënyrën e zgjedhjes së kryetarit të Gjykatës së Lartë dhe është sot, sepse në rastin e tjetër konkret, për kryetarët e gjykatave dhe drejtuesve të prokurorive, në rast se nuk ka një vendimmarrje, se kjo ka qenë shkaku për të cilin u kërkua edhe shtyrja, sepse këshillat, qoftë Këshilli i Lartë Gjyqësor, qoftë Këshilli i Lartë i Prokurorisë, nuk kanë arritur të nxjerrin aktet nënligjore në zbatim të ligjit dhe ne po ju japim këtë fuqi të cilën, këtë Kushtetuta ja ka përcaktuar një organi kolegjial dhe s'mundet parlamenti t'i marri një organi kolegjial këtë kompetencë të cilën e ka. Dhe në pikëpamjen time, kjo është një shkelje flagrante e Kushtetutës.
Vendimi i ndërmjetëm absolutisht që mund të hyjë në fuqi sepse mënyra se si është përgatitur, mënyra se si është marrë është për të shkuar në këtë drejtim. Dhe dhe sot në momentin aktual, rezulton që kjo merret pas diskutimit që kryetari i partisë dhe kryeministri i Shqipërisë ka realizuar në mbledhjen e grupit parlamentar në mbrojtje të zonjës Balluku. Kjo nuk shtrohet për të rregulluar një mekanizëm ligjor për afatet e paraburgimit, sepse po t'i referohesh sot edhe deklaratave të SPAK-ut, rezulton që për veprën penale të korrupsionit, masa arrestit në burg përbën 3.45% të totalit të personave nën hetim. Dhe që do të thotë që ka një zbritje rreth 2.% më shumë se sa në vitin 2024. Ndërsa për krimin e organizuar ka zbritje deri në 10%, që në vitin 2024 ka qenë 31% e personave të cilët ishin në masën e paraburgimit, ndërsa sot është ulur, vetë SPAK-u kërkon. Tani, problemi shtrohet, faji i SPAK-ut është që kërkon masën e sigurimit arrest në burg?
Jo. Faji është i gjykatës. Dhe në rastin konkret, unë kam qenë gjykatës, zoti Muçi ka qenë prokuror. Mund të kërkonte një masë sigurimi shumë të ashpër dhe të rreptë, por ishte gjykata që e definonte. Atëherë, kolegjet e Gjykatës së Lartë, të cilët janë brenda strukturës dhe gjykojnë çështjet e masave të sigurimit të Gjykatës së Speciale, të gjykatës, të SPAK-ut dhe Gjykatës së Apelit, e mund ta mbanin këtë qëndrim? Se kishin. Dhe ju keni dy raste të cilët kishte mundësi që të tregonte edhe xheneroz në raport me politikanët. Keni rastin e zotit Veliaj dhe rastin e zotit Ilir Meta. Në rast se paraburgimi për shkak të kësaj natyre, ose në rastin e zotit Berisha, që vetë Gjykata Kushtetuese e konsideroi paraburgimin si një afat të zgjatur për shkak sepse nuk e lejonte Kodi i Procedurës dhe Kushtetuta.
Tani, çfarë i ka penguar këta gjyqtarë të kolegjeve penale që të ndërhyjnë dhe të thonë që nuk ka nevojë për arritjen në një vendim unifikues, sepse njësimi i praktikës bëhet nga kolegjet e posaçme. Dhe në rastin konkret është kolegji penal. Dhe kolegji penal kishte të gjithë tagrin e nevojshëm për të bërë një unifikim të praktikës në përputhje sipas atyre, se tre janë çështjet për të cilën gjykata, kolegji, është çështja Hysa, çështja Gallçi dhe çështja Muçaj. Dhe të katër pyetjet ose tezat të cilët e kanë imponuar për të arritur në këtë vendim të ndërmjetëm dhe thuhet, dyshimi i arsyeshëm nuk mjafton i vetëm për vijimin e paraburgimit. Po ligji e ka përcaktuar në mënyrë taksative, dyshimi i arsyeshëm i bazuar në prova. Pra, nuk lë vend për interpretim. Dy, rreziku duhet të jetë konkret, i individualizuar dhe i provueshëm. Më fal, më mirë se sa gjykata në momentin që jep një vendim dhe thotë që rreziku është konkret dhe kush është rreziku? Rreziku i ikjes, rreziku i prishjes së provave. Këto janë dy elementët të cilët normalisht Kodi i Procedurës Penale dhe me të drejtë zoti Muçi e sqaroi. Rëndësia abstrakte e veprës penale nuk justifikon më vete burgimin. Ç'do të thotë kjo?
Në rast se nuk e justifikon, pse është vendosur një minimum shtatë vjet? Sepse ti nuk mund t'i japësh një personi i cili ka një minimum shtatë vjet për pastrimin e produkteve të veprës penale, t'i japësh një masë sigurimi detyrim për paraqitje. Pse? Dhe ky vendim unifikues, nuk ka në qëllim unifikimin e praktikës, sepse duhej patjetër të merreshin katër praktika, pesë praktika, 10 praktika dhe të biheshin dhe të njësoheshin fillimisht në kolegjin penal, pastaj për shkak të konfliktit që do të mund të kishin me vendimin e njësuar, të shkonin te vendimi unifikues. Sepse ky është rasti i parë pas kaq viteve që ka filluar funksionimi i reformës në drejtësi, vendimi i parë unifikues. Dhe të fillohet vendimi unifikues me çështjen e paraburgimit, kjo është çështje e theksuar politike.
Deputeti i Partisë Demokratike, Luçiano Boçi, deklaron se situata politike në vend ka arritur kulmin e tensionit, duke akuzuar maxh...
Komisioni Europian ka reaguar për vendimin e Partisë Socialiste për të rrëzuar kërkesën e SPAK, për heqjen e imunitetit ...
Kreu i SPAK, Klodian Braho ka folur mbi raportin e depozituar një ditë më parë në Kuvend, ku pasqyrohej e gjithë veprimtaria e zhv...
Grupi Parlamentar i PD ka dërguar në Gjykatën Kushtetuese mosmiratimin e ngritjes së Komisionit Hetimor të Kuvendit për kontroll...
Kryetari i Partisë Demokratike, Sali Berisha, zhvilloi një takim me deputetin gjerman Peter Beyer, ku në qendër të bisedës ishte...
Ka mbërritur në selinë e Partisë Demokratike, deputeti i Bundestagut gjerman, Peter Beyer (CDU), njëkohësisht drejtues i Grupit ...
Ambasada e SHBA në Tiranë ka folur në lidhje me raportin e paraqitur një ditë më parë nga socialistët, të cil&eum...
Gazmend Bardhi, kreu i grupit parlamentar të Partisë Demokratike, reagoi pas vendimit të Partisë Socialiste për të refuzuar k&eu...
Deputeti i Partisë Demokratike Belind Këlliçi ka reaguar pas një iniciative të Kreut të Gjykatës së Lartë Sokol...
Kreu i Grupit Parlamentar të PD Gazment Bardhi ka deklaruar se kryeministri Edi Rama ishte i pa saktë ditën e djeshme kur në mbledhjen e g...
