Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Hetimet e SPAK ndaj zyrtarëve socialistë, Rama: Partia në pushtet nuk jep llogari pse njëri apo tjetri fut duart ku nuk duhet! E kemi bërë zgjedhjen tonë
r.llPërditësimi i fundit 11 Mars 2025, 10:03
edi rama
TIRANË- Kryeministri Edi Rama gjatë fjalës së tij në rrjetet sociale ka komentuar sërish hetimet e SPAK ndaj zyrtarëve socialistë. Rama theksoi se Partia Socialiste ka bërë reformën në drejtësi për ta pastruar nga llumi.
Ai gjithashtu e pranoi që sistemi i drejtësisë në vend ka problematika por u justifikua duke i cilësuar si probleme të rritjes. Sipas tij këto problematike dhe hetimet që kryhen nuk e ulin reputacionin e tij.
"Hetimet e SPAK i solli përpjekjet tona dhe të PS për të bërë reformën në drejtësi. Për ta pastruar llumin. Për të bërë të pamundshmen. Për ti dhënë shpatën e ndëshkimit drejtësisë dhe për tja hequr politikës. I hapëm rrugë një historie të re. Dhe vë dhe qafën e pushtetit në dispozicion nëse duhet. Ne kemi probleme me cilësinë e drejtësisë, po janë probleme të rritjes. Por këto hetimet që thoni ju, nuk ulin reputacionin tim.
Por tregojnë ambicien time për të pasur një vend të drejtë. Nuk ka vend në botë që të ketë fituar imunitet nga X apo Y për të futur dorën aty ku sduhet. Partia në pushtet nuk jep llogari pse njëri apo tjetri futën duart ku nuk duhet. Por jep llogari për mënyrën si reagon. Ne kemi bërë zgjedhjen tonë. Jemi në krahun e drejtësisë. Por qëndrimet tona do i themi me zë të lartë. Gjykatat nuk mund të noterizojnë çdo gjë që thotë prokuroria," tha ai.
