Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Hetimet ndaj Veliajt/ Gazetarja: SPAK po heton pasurinë, por jo vendimmarrjen e tij si kryetar bashkie dhe projektet korruptive
b.zPërditësimi i fundit 16 Janar 2025, 22:54
Ola Xama
TIRANË - Gazetarja Ola Xama ka komentuar mbrëmjen e sotme hetimet e SPAK ndaj kryebashkiakut Veliaj, si dhe bastitjen e një apartamenti të padeklaruar të bashkëshortes së tij Arjola Xoxe. E ftuar në emisionin “Të Paekspozuarit” në MCN TV, Xama u shpreh ndër të tjera se SPAK po heton pasuritë, por po lë vendimmarrjen e Veliajt si kryetar i bashkisë së Tiranës.
“Nëse zoti Veliaj dhe bashkëshortja e tij kanë patur në posedim një tjetër apartament, kjo është fshehje e deklarimit të pasurisë. Kemi të bëjmë me hetim të pasurisë, por jo sa i përket vendimmarrjes së zotit Veliaj si kryetar i bashkisë së Tiranës dhe kanalizimi i këtyre hetimeve në dhënien e disa lejeve të ndërtimit, që janë shumë më të vogla se projektet e tjera korruptive, siç janë teatri Kombëtar, projekti i Rindërtimit, inceneratori, dosja “5D” apo pastrimi i parave në dhënien e lejeve të ndërtimit për grupin mafioz të Ndragheta-s.
SPAK këtu duhet ta tregojë forcën. Nëse në fund të këtyre hetimeve, ne do të na çojnë te lidhjet e zotit Veliaj edhe me këto afera, atëherë mund të themi se kemi një hetim cilësor. Por nëse sistemi vijon njësoj, duke zëvendësuar njerëzit, lufta e SPAK do të jetë e gjatë”-tha Xama.
