Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Hetimi parlamentar për konçensionet në shëndetësi, Këlliçi: Ja tre kallëzimet që do depozitohen në SPAK
r.llPërditësimi i fundit 14 Nëntor 2024, 22:07
belind kellici
TIRANË- Drejtuesi politik i PD-së për Tiranën, Belind Këlliçi tha se Komisioni Hetimor për Koncesionet në Shëndetësi nuk ka dështuar edhe pse afati i tij përfundoi pa u marrë në pyetje të gjithë dëshmitarët.
I ftuar në emisionin “Open” në News24, Këlliçi tha se bashkëkryetari i këtij Komisioni, deputeti socialist Plarent Ndreca, është tashmë zyrtarisht nën hetim nga SPAk dhe kjo tregon se çfarë interesi ka pasur mazhoranca për këtë hetim.
“Ilir Beqaj është një hajdut 2 metra, që ndërkohë që ishte në përgjim, vijonte të vidhte me faturat e restoranteve. Ilir Beqaj është i vetmi i pandehur që ka hyrë në sallë dhe ka kërcënuar deputetet demokrate. Qytetarët panë se si Ilir Rrapaj, miku i Ilir Beqajt, ka marrë koncensionin 100 mln euro, pa pasur asnjë eksperiencë dhe asnjë investim”, tha Këlliçi.
Ai tha se është bërë një punë e jashtëzakonshme duke i treguar qytetarëve se njësia e monitorimit nuk ka funksionuar ashtu sikundër ka ndodhur me të gjitha aferat korruptive.
“Do të bëhet një raport i detajuar që do i bëhet i ditur opinionit publik, trupës diplomatike dhe do të çohen në SPAK, Ogerta Manastirliu, Ilir Beqaj dhe Vilma Nushi. Ky do të jetë raporti i deputetëve të opozitës”, tha Këlliçi. Sipas tij, Komisioni ka bërë transparencë maksimale lidhur me atë që ka ndodhur me të paktën dy konçensionet.
