Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"I'a dolëm të renditemi forcë e 3 politike në vend", Lapaj: Sistemi elektoral u dëshmua para të gjithëve si i padrejtë! Koalicioni ynë duhet të kishte të paktën 6 mandate
n.fPërditësimi i fundit 17 Maj 2025, 20:52
TIRANË- Drejtuesi i koalicionit politik Nisma Shqipëria Bëhet, Adriatik Lapaj përmes një postimi në "Facebook" ka reaguar për rezultatin zgjedhor të deritanishëm të 11 majit. Lapaj shkruan se koalicioni renditet forcë e 3 politike në vend përballë atyre që kërcënojnë, blejnë dhe vjedhin votën.
Ai më tej theksoi se sistemi elektoral është i padrejtë dhe se kjo u dëshmua para të gjithëve. Lapaj mori shembull PS-në e cila ka marrë 83 mandate teksa thekoi se 1 mandat i tyre ka 10 mijë vota. Sipas tij PS duket të kishte 73 mandate dhe koalicioni i tij duhet të kishte të paktën 6 mandate. Lapaj theksoi se duhet ndryshuar ligji elektoral. Ai u bëri thirrje të gjithë personave që beson të vlerat të bashkohet me koalicionin e tij.
Lëvizja Shqipëria Bëhet u kthye në parti politike në dt. 30 shtator 2024. Për 8 muaj, me gjithë vështirësitë që ju i dini i'a dolëm të renditemi forcë e 3 politike në vend (përballë atyre që kërcënojnë, blejnë dhe vjedhin votë). Faleminderit secilit që na besoi me votë!
Sistemi elektoral u dëshmua para të gjithëve si i padrejtë. Ps e nxori 1 mandat me afro 10 000 vota, ndërsa koalicioni ynë me afro 63 000 (deri tani). Ps ka marrë vota sa për 73 mandate, por ligji elektoral i padrejtë i ka dhënë 83.
Koalicioni ynë duhet të kishte të paktën 6 mandate. Duhet ndryshuar ligji elektoral. Shikoni modelin e Kosovës, proporcional kombëtar me lista të hapura. Lëvizja Shqipëria Bëhet është e hapur për këdo beson te vlerat, të na bashkohet! Nuk ka kthim pas!
