Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"Ia kam ndjerë erën e Partisë së Punës!" Rama në Kavajë: Një qelizë komunizmi jeton akoma në trurin e vogël të bufit
M.B.Përditësimi i fundit 6 Maj 2025, 18:15
KAVAJA- Kryeministri Edi Rama ka zhvilluar sot një takim elektoral në Kavajë. Rama ka rikujtuar zgjedhjet e 22 marsit të viti 1992, ku tha se nuk ka shkuar të votonte edhe pse bëhej fjalë për Shqipërinë në Europë. Ai tha se Berishës "ia ka ndjerë erën e teserës së Partisë së Punës, në Qytetin Studenti". Sipas tij, nëse ka një qelizë komunizmi që jeton akoma është në trurin e kryedemokratit. Rama nuk kurseu as ironitë për qytetarët demokratë të Kavajës, për të cilët tha se si mund të shkojnë më 11 maj dhe të hidhen në kënetë, duke votuar PD-në.
"Më 22 mars 1992 nuk ishte një zgjedhje për partinë, por për Shqipërinë në Europë. E bën shqiptarët, disa të tjerë bën dhe atë që bëra dhe unë, unë për bufin nuk shkoja i gjallë për të dhënë votë se ja kam ni erën sa e kam parë në Qytetin Studenti, ja ka ni erën, erën e teserës së Partisë së Punës në xhepin e pardesysë së bardhë. Thoshte Ramiz Alia ‘është presidenti jonë’, dhe nuk mund të votoja për bufin.
Por ama, si mundesha unë të shkoja për një parti tjetër në 22 mars, kur 22 marsi ishte vendimmarrja midis Evropës dhe të shkuarës, nuk mundesha dhe nuk shkova fare ne votime. Kështu që ata demokratë që kanë problem fytyrën time, ne, që kanë problem komunizmin që ka vdekur, dhe nëse ka një qelizë komunizmi që jeton akoma është në trurin e vogël të bufit të kënetës, ata të mos shkojnë farë në votime. Jo të shkojë të hidhen në kënete.
Ne mezi e nxorëm Kavajën nga këneta, i dhamë detin, hapëm vijën ujore. Si mundet robi të zgjohet të dielën të mbaj radhe për t’u hedh në kënetë? Si mundet, se s’kanë as shanse të fitojnë. Ne nuk na duhet një shumicë aritmetike, ne na duhet një shumicë Shqiptare, në duhet që kur të vijnë ata nga gjithë Evropa në Sheshin Skënderbej më 16 maj, ta marrin shumë të fortë mesazhin e 11 majit. Jo ne socialistët, por ne populli shqiptare duam të bëhemi pjesë e popullit të Evropës. Këtë duhet të kuptojnë. Për këtë duhet ndihma e të gjithëve", tha Rama.
