ZVICËR- Një shqiptar ka provuar ta hapë derën e avionit gjatë një fluturimi nga Zyrihu për në Prishtinë. Per...
POLITIKE
Incidenti me shoferin e kamionit, gjykata e Korçës cakton "detyrim paraqitje" për vëllain e Bledion Nallbatit
r.llPërditësimi i fundit 6 Maj 2025, 14:23
foto e incidentit
KORÇË- Gjykata e Korçës ka caktuar masën e sigurisë "detyrim paraqitje" për Alti Nallbatin, vëllanë e kandidatit demokrat për deputet në qarkun e Korçës, Bledion Nallbatit.
Më datë 03.05.2025, rreth orës 21:15, në afërsi të rrethrrotullimit të Mirasit në qytetin e Bilishtit, Alti Nallbati ka ndaluar automjetin me të cilin lëvizte bashkë me vëllanë e tij Bledion Nallbati duke penguar qarkullimin e automjeteve që lëviznin në këtë aks rrugor.
Alti Nallbati ka dalë nga automjeti dhe ka debatuar verbalisht me një drejtues kamioni, dhe më pas ka tentuar ta zbresë me forcë nga kamioni shoferin, dhe ka tentuar ta qëllojë me grushte si dhe ta ofendojë duke kryer veprime të pa hijshme në publik.
NJOFTIMI I GJYKATËS:
Në Gjykatën e Shkallës së Parë e Juridiksionit të Përgjitshëm Korçë, u zhvillua sot në datën 06.05.2025 ora 12.30 seanca me objekt: "Vleftësim arrestimi në flagrancë, caktimin e masës së sigurimit "Detyrim per t'u paraqitur në policinë gjyqësore" ndaj shtetasit A.N i dyshuar për kryerjen e veprave penale "Prishja e qetësisë publike", dhe "Pengimi i qarkullimit të mjeteve të transportit" parashikuar nga nenet 274/1 dhe 293 të Kodit Penal.
Gjykata, në përfundim të gjykimit, vendosi: Pranimin e kërkesës. Vleftësimin si të ligjshëm të arrestimit në flagrancë dhe caktimin e masës së sigurimit "Detyrim per t'u paraqitur në policinë gjyqësore" për këtë shtetas.
