Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
POLITIKE
"Ilirjan Rusmani të përjashtohet nga shqyrtimi i ankesave të PD", Logu: Nuk mund të jesh dhe vartës i presidentit dhe anëtar i KAS, është në konflikt interesi
r.llPërditësimi i fundit 30 Maj 2025, 17:21
foto ilustruese
TIRANË- Përfaqësuesi i Partisë Demokratike në KQZ, Marash Logu përmes një postimi në rrjete sociale shprehet se një anëtar i KAS ka shkelur Kodin Zgjedhor. Ai shprehet se Ilirjan Rusmali, i cili është dhe Këshilltar Ligjor i presidentit, nuk mund të jetë edhe anëtar i Komisionit të Ankimeve dhe Sanksioneve. Kjo sepse sipas tij nuk lejohet nga Kodi Zgjedhor dhe sepse je në konflikt interesi.
Logu thotë më tej se kjo është arsyeja që ka paralajmëruar kërkesën për përjashtim të Rusmalit nga shqyrtimi i ankesave zgjedhore të Partisë Demokratike.
POSTIMI I PLOTË:
Nuk mund të jesh edhe vartës i Bajram Begajt, edhe anëtar i Komisionit të Ankimeve dhe Sanksioneve – organit që supozohet të bëjë drejtësi zgjedhore. E para, sepse nuk e lejon Kodi Zgjedhor dhe e dyta, sepse je në konflikt interesi. Prandaj, paralajmërova sot kërkesën për përjashtim të këtij noteri recidivist të farsave elektorale të Edi Ramës nga shqyrtimi i ankesave zgjedhore të Partisë Demokratike.
Mes Rusmalit dhe Logut ka pasur dhe një përplasje në seancën e sotme, ku po shqyrtohej ankimimi i Partisë Demokratike për rezultatin zgjedhor në qarkun e Dibrës. Logu kërkoi hapjen e kutive te KZAZ 18 në Bulqizë, pasi nga pamjet filmike kanë konstatuar parregullsi.
Rusmali e kritikoi Logun duke i dhënë se po gabon vazhdimisht dhe se nuk duhe të bëjë fodullin në seancë. Logu më tej iu përgjigj duke i thënë se do të kërkojnë përjashtimin e tij pasi sipas tij Rusmali nuk siguron paanshmëri në këtë proces. Ai shtoi se Rusmali ka konflikt interesi ndërsa sa i përket fjalës "fodull" Logu i kërkoj të kërkojë falje dhe të ruajë etikën. Mbledhja për shyrtimin e ankimit u shty për në datën 5 qershor në orën 13:00.
