Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
Integrimi në BE, Rama: Kemi përparuar më shumë se çdo vend i rajonit, ne nuk do lejojmë që Shqipëria ta humbë këtë mundësi
r.llPërditësimi i fundit 10 Mars 2025, 10:51
edi rama
TIRANË-Kryeministri Edi Rama gjatë fjalës së tij në mbledhjen e Grupit Parlamentar të PS-së foli në lidhje me integrimin e Shqipërisë në BE.
Rama u shpreh se interesi i BE dhe Europës për të parë procesin e zgjerimit dhe për ta forcuar atë është i madh, ndërsa shtoi se nuk duhet humbur mundësia e dritares së hapur për vendin tonë.
Ai u shpreh se Shqipëria në procesin e negociatave ka përparuar më shumë se çdo vend i rajonit, ndërsa shtoi se sot jemi krah për krah me Malin e Zi
"Interesi i BE dhe Europës për tu forcuar në çdo drejtim dhe për të parë procesin e zgjerimit si një drejtim për forcimin e vet është më i madh se çdo gjë tjetër. Kjo është dritarja e hapur që ne nuk do të lejojmë që Shqipëria ta humbë si mundësi. Që nga viti i kaluar kur filloi të zbatohet procesi i negociatave dhe deri sot, shpëjtesia me të cilën kemi përparuar në hapjen e kapitujve është e paprecedent. Kemi përparuar më shumë se çdo vend i rajonit. Ne kur kemi ardhur në detyre kemi qenë vrima e fundit e kavallit. Na u desh kohë të afirmojmë statusin e kandidatit. Sot jemi krah për krah me Malin e Zi. Dhe kalendari që na ka dhënë BE është të mbyllim negociata në 2027. Ndërkohë që ne flasim sot, janë rreth 11 mijë persona të angazhuar që punojnë përditë për negociatat. Janë afro 40 drejtues të grupeve negociatore dhe është një strukturë që është baza e suksesit të negociatave." tha Rama.
