Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Ironi politike/ Pasi i largoi vetë, Rama “shqetësohet” për kthimin e emigrantëve nga Britania
PiranjatPërditësimi i fundit 19 Nëntor 2025, 11:57
Kryeministri Edi Rama ka reaguar me tone të ashpra, dhe paksa të çuditshme, ndaj deklaratës së Sekretares së Brendshme të Britanisë së Madhe, e cila njoftoi rregullat e reja për të përfitur qëndrimin në Britani dhe nisjen e kthimit të rreth 700 familjeve shqiptare që nuk kanë fituar të drejtën e azilit.
Rama, i cili prej dy vitesh mburret me “marrëveshjen model” me Londrën për frenimin e emigracionit të paligjshëm, këtë herë u ndje i zhgënjyer sepse britanikët po i kthejnë në shtëpi pikërisht ata që kanë shkuar ilegalisht.
“Mjaft zhgënjyese të dëgjosh Sekretaren e Brendshme të Mbretërisë së Bashkuar duke përmendur ‘700 familje shqiptare’ si justifikim për rifillimin e kthimeve”, shkruan Rama.
Në reagimin e tij në “X”, kryeministri kritikon ministren laburiste në Britani duke e akuzuar se po bie pre e “retorikës së së djathtës ekstreme”, pasi guxoi të përmendte 700 shqiptarë që jetojnë me strehim të paguar nga taksapaguesit britanikë.
Në fakt shqetësimi i kryeministrit i Ramës është i pavend, pasi Britania thjesht po deklaron atë që e gjithë logjika e azilit thotë, nëse nuk e merr azilin kthehesh në vendin tënd. Por për Ramën, kjo qenka një goditje e rëndë për “kontributin” e shqiptarëve në ekonominë britanike dhe për partneritetin Londër–Tiranë.
Kryeministri i kujton britanikëve me krenari se, falë bashkëpunimit të tyre, shqiptarët pothuajse nuk arrijnë më ilegalisht me gomone, sikur kjo t’i jepte Britanisë detyrimin moral t’i mbante edhe ata që kanë aplikuar pa të drejtë për azil.
Dhe sigurisht, Rama nuk e humbi rastin të kujtonte se shqiptarët janë “kontribues neto”. Pra, ndër të tjra kryeministri ka halllin se me kthimin e shqiptarëve që kanë hyrë ilegalisht, është në dëm të ekonomisë britanike!
“Shqiptarët janë kontribues neto në ekonominë britanike, dhe numri i shqiptarëve që marrin përfitime nga Mbretëria e Bashkuar është shumë i ulët në krahasim me komunitetet e tjera. T’i veçosh ata vazhdimisht nuk është politikë, është një ushtrim shqetësues dhe i pahijshëm demagogjie”, thuhet në reagimin e Ramës.
A është vërtet fyerje për Shqipërinë që një vend i huaj shqetësohet për emigrantët e paligjshëm, qofshin dhe ata shqiptarë dhe ndërton politika për të luftuar këtë fenomen?
Apo është fyrje kur ato 700 shqiptarë janë pjesë e mijëra të tjerëve që për shkak të politikave të dështuara të qeverisjes së Ramës dhe pamundësive ekonomike, i ka detyruar të largohen n ga sytë këmbët drejt vendeve perëndimore për një jetë më të mirë.
Para se të shqetësohet për deklaratat e ministres britanike, kryeministri duhet të mendojë pse Shqipëria po zbrazet? Kjo do ishte më e logjikshme.
