Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
POLITIKE
"Jam Erion, një ditë do të të kërkojnë", Gjebrea në mbështetje të Veliajt: Sa shpejt harruan që Tiranës ju fute me themel për ta ndryshuar
n.fPërditësimi i fundit 13 Shkurt 2025, 08:36
TIRANË- Moderatori, Ardit Gjebrea ka reaguar në lidhje me arrestimin e kryebashkiakut, Erion Veliaj. Gjebrea në një instastory ka shprehur mbështetjen e tij për Veliajn. Gjebrea shkruan se askush nuk mund të thotë që Tirana është njësoj si më parë. Ai shtoi se sa shpejt harruan që Veliaj ju fut Tiranës me themel për ta ndryshuar.
Moderatori shtoi se një ditë do ta kërkojnë Veliajn të cilin e përshkroi si i aftë dhe që gjithmonë e gjen mënyrën të jetë i denjë për veten dhe familjen. Ai gjithashtu shprehur krenarinë që ka një mik si Veliaj.
“Askush nuk mund të thotë që Tirana është njësoj si më parë. Dhe për fat të keq, si mundet që nuk e bërtasin punën tënde, e sa shpejt harruan (me qëllim) që Tiranës ju fute me themel për ta ndryshuar, për të mirën e përditshmërisë tonë?!
Një ditë do të të kërkojnë, dhe e di: I afti gjithmonë e gjen mënyrën të jetë i denjë për veten dhe familjen. Ti duhej të vazhdoje të ishe aty, në punë, për të gjithë ne! Jam i lumtur dhe krenar që kam një mik si ty! #kambesimtekti #jamerion," shkruan Gjebrea.
