Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
"Janë vjedhur duke ndërtuar rrugën me 10-fishin e çmimit"/ Berisha: Djegësi i Tiranës është vjedhur 100%, paratë janë marrë, djegësi nuk ekziston
I.APërditësimi i fundit 29 Dhjetor 2024, 21:00
TIRANË- Kreu i Partisë Demokratike Sali Berisha gjatë fjalimit në takim me demokratët e degës 8 në Tiranë është ndalur edhe te skandali i inceneratorit të Tiranës ku sipas tij është vjedhur 100%. Gjithashtu Berisha u shpreh se nga viti 2014, deri në vitin 2024 buxheti total i shtetit ka qenë 57 mld euro. Më tej Lideri i Opozitës u shpreh se ata bënë betejë të pamposhtur ndaj simbolit më të nxirë të vjedhjes dhe korrupsionit të kryeqytetit që ishte kryebashkiaku Erion Veliaj.
"Nga viti 2014, gjer në vitin 2024 buxheti total i shtetit për këto vite ka qenë 57 mld euro. Për të patur një ide se ç’do të thotë 57 mld, unë po ju jap ju vetëm kaq. Jo më pak, më falni. Për 8 vite, ne kemi disponuar një buxhet rreth 45% të të gjithë këtij buxheti, sepse ne kishim taksa të ulëta, dhe ne u qendrojmë, ne jemi parti e taksave të ulëta.
Dhe me gjithë këtë buxhet që ne kishim, ne rritëm, dyfishuam rroga dhe pensione. A është kështu apo jo? Me gjithë këtë buxhet, që nuk ishte as 45% e totalit të buxhetit të 12 viteve të tyre, ne ndërtuam dhe rindërtuam mbi 11 mijë km rrugë, mbi 1300 shkolla, kopshte dhe objekte tjera arsimore. 11 impiante të përpunimit të ujrave të zeza nga Velipoja në Sarandë. Disa landfille. 400 qendra shëndetësore, spitale dhe ambulanca.
Pa pyesni pak, çfarë u bë në 12 vite me 57 mld euro? Na thoni pak, ku shkuan? Këto janë vjedhur, e thotë dhe Banka Botërore, e thonë të gjitha llogaritë, gjer në 90% të shumës. Në raste të caktuara siç është djegësi i Tiranës është vjedhur 100%, se paret janë marrë, djegësi nuk ekziston. Janë vjedhur duke ndërtuar rrugën me dhjetëfishin e çmimit jo qe ndërtonim ne, por që ndërton Krocia sot.
Po nuk mundet kurrë ti, të këpusësh çmime stratosferike në një kohë kur, ndërtimi ka manuale, në Europë ka një manual të BE-së, SHBA-të kanë një manual të tyrin të ndërtimit dhe ato manuale tregojnë koston e çdo m2 mur, rrugë, çfarëdo që të jetë, të çdo materiali. Këta me dhjetëfishin, këta në raste të caktuara edhe me 20-30 fishin, siç është tek Sheshi Shqiponja, ndërhyrja në rikonstruksion me 32 milionë euro kilometri.
Këta e kanë bërë ligj. Tenderin e merr djali, tenderin e merr gruaja, tenderin e merr vëllai. Për ju të tjerët nuk ka, dhe as nuk mund të diskutohet kurrë! Ndajnë paratë. Pra, çfarë bëmë ne një vit? Ne bëmë betejë të pamposhtur ndaj simbolit më të nxirë të vjedhjes dhe korrupsionit të kryeqytetit që ishte Erion Veliaj," tha Berisha.
