Një rrugë me kalldrëm, e ndërtuar rreth 7,000 vjet më parë, është zbuluar nën ujërat e Detit Adriatik pran&e...
POLITIKE
"Absolutisht, atë do ta kthejë FBI-ja të paketuar"/ Berisha: Veliaj u nis për në SHBA për t’u thënë hajdutëve përreth, se do të gjejë atje shpëtimin
e. dPërditësimi i fundit 29 Dhjetor 2024, 20:27
TIRANË- Kreu i Partisë Demokratike Sali Berisha gjatë takimit me demokratët e degës 8 në Tiranë foli për kryebashkiakun Erion Veliaj i cili është nisur drejt SHBA-së. Berisha u shpreh se Veliaj u nis për në SHBA për tu thënë hajdutëve përreth, se do të gjejë atje shpëtimin. Gjithashtu sipas Berishës atë do ta kthejë FBI-ja të paketuar.
"Erion Veliaj, në çdo vend, përveçse në diktatura dënohej për mashtrim publik me deklaratën e tij se, ka mbjellë 1 milionë pemë. Ky është mashtrim 1 milionë herë. Prapa këtij mashtrimi fshihet vjedhja e fondeve për blerjen e 1 milionë fidaneve. Nuk ishte rastësi ajo, jo. Prapa këtij mashtrimi, fshihet blerja e fidanëve të pishave. 6600 euro. Ja ky, ministri Gonxhe me firmën e tij që punonte në bashki.
Prapa këyre veprimeve, fshihet ndërtimi i shkollës me 10 milionë euro, në një kohë kur, në standartin europian shkolla ndërtohet me 700-800 mijë euro, e caktuar, e prerë. Po ne luftuam, nuk u pajtuam, nuk u lodhëm, nuk u mërzitëm, nuk u dekurajuam, qendruam. Dhe ku është sot? Po i paturpi, nuk mund ta mbyllë ndryshe përveçse me paturpësi.
U nis për në SHBA për t’u thënë atyre hajdutëve përreth, se do të gjejë atje shpëtimin. E kuptoni, pse e duan Amerikën këta? Këta mendojnë se, Amerika është rifurxhio për hajdutët. Absolutisht, do ta kthejë FBI atë paketë, të paketuar. Miq, para se të nisej, Rama i thotë: ku po shkon, pse po shkon? Po shkoj, i thotë, se këta, ja çfarë më bënë. Çfarë të bënë, i thotë?
I kthehet Ramës: po ata të shpëtuan ty, në rastin e McGonigalit, edhe mua mund të më shpëtojnë. Gabojnë. Rama nuk shpëton kurrë nga McGonigal. Jo, ua them unë ju. Drejtësia vonon, por nuk harron. Ta ketë shumë të qartë se, për korruptimin e McGonigal, Rama do të marrë një dënim pak më të madh se sa Mc Gonigal. Pra, është merita juaj, është meritë e madhe. U përballët me një të keqe të madhe, por triumfuat. E shpëtuan për djegësin organizata kriminale e Skapit. 130 milionë euro të zhdukura, djegësi nuk ekziston.
Po a ka gjë më të paimagjinueshme, që ky të mos akuzohet që ka 5 firma. Ka mashtrimin publik, se e ka miratuar Këshilli Bashkiak, pa e miratuar Këshilli Bashkiak. Ka mashtrimin, se duhet të raportojë çdo muaj për punimet dhe situacionet, dhe ato nuk ekzistojnë. A mund të amnistohej nëj njeri si ky? Jo, kurrë. Po kjo, sepse mbi firmën e tij ishte firma e Ramës, dhe ishin të lidhur. Ndaj edhe ajo dosje, absolutisht Edi Rama ta dijë mirë se, edhe pashë nën tokë të futet ai do të dënohet për atë vepër.
Pale më ky, po e po. Nuk mund të sillesh me qytetarët në ëktë mënyrë. Nuk sillesh dot kurrë. Doli dosja e 5D-ve. Hoteli i këtyre miqtë e mi, gjer më sot,ë shtë hoteli më gjigand i Shqipërisë. 20 katësh, në qelq dhe kristal. Imagjinoni ju, sa kushton ai. Punonjësja thotë se, kjo është e Lal Vjedhësit, me telefon, nuk ka rëndësi se thotë ajo. Tenderat, e firmosura prej tij, nuk ka rëndësi. Ia mbyllën edhe dosjen. Pse? Sepse gjerësisht flitet që dhe aty është edhe Olsi aksioner, dhe ku është dhe Olsi, është vetë Edi.
Si mundet? Kanë shpikur vjedhjen absolute. Krijo kompani dhe vidh fonde, dhe ndërto hotele, ndërto vila dhe të mos pësosh asgjë. Pse, punë e 3 drejtorëve qenka ajo? Lerë që e kanë me dokumente njëherë. U mbyll dhe ajo dosje. Kurrë nuk do të mbyllet ajo dosje. Atë hotel, nuk do ta gëzojnë kurrë ata. Ai hotel, dhe ato vila do të shiten dhe do të kthehen në rroga dhe pensione për qytetarët," tha Berisha.
