Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
"Ka video të disa festave erotike në bashki dhe kryeministri", Berisha: Nuk i disponoj këto fakte, por edhe po t'i kisha nuk do t'i publikoja
r.llPërditësimi i fundit 27 Dhjetor 2024, 15:42
sali berisha
TIRANË- Kryetari i Partisë Demokratike, Sali Berisha e ka cilësuar të paplotë komunikatën zyrtare të SPAK për kryebashkiakun e Tiranës, Erion Veliajn.
Më tej, Berisha u shpreh se disponohen dokumente komprometuese për disa darka që ai i quajti "festa erotike" në bashkinë e Tiranës dhe kryeministri. Sipas tij në telefonat e sekuestruar të drejtorëve dhe punonjësve të bashkisë, janë gjetur mesazhe dhe video që i faktojnë këto që ai tha.
I pyetur nëse ai i disponon këto materiale, ai e mohoi, ndërsa shtoi se edhe po ti kishte nuk do ti publikonte. Kreu i PD-së tha se shteti dhe prokuroria duhet të merret me këtë çështje sepse "tregon një dhunim flagrant të kodit të zyrtarëve dhe është e papranueshme".
PJESË NGA FJALA E BERISHËS:
Nëqoftëse prokuroria do të ishte, të themi çerek e pavarur, ajo lëshonte dje komunikatën, apo jo. Ajo e kishte për 5 orë, defakto nënkryetarin e PS, njeriun më të fuqishëm, gjithnjë kryetari i bashkisë së Tiranës është njeriu më i fuqishëm pas kryeministrit. Mos të kemi iluzion për këtë. Por prokuroria heshti, heshti, se kishte urdhër të mos lëshonte komunikatën. Tani e ka lëshuar komunikatën, por nuk e ka të plotë.
Tani dua t’ju them ju dhe edhe qytetarët ti informoj, sepse disponohen dokumente shumë kompormentuese për disa party të shtruara në bashki, që tejkalojnë çdo standard dhe të panjohura, të papërsëritura që nga themelimi i shtetit shqiptar, gjer sot. Këto, quajini si të doni, po i quajmë festa erotike, janë dëshmi e një degradimi ekstrem sipas denoncimeve të atij institucioni. Pse mbahen këto? Mbahen se ato qenken bërë një lloj standardi dhe për kryeministrinë dhe institucionet e tjera. Ju garantoj se grupi parlamentar i PD do të paraqesë me urgjencë kërkesën për një komision hetimor, për këto zhvillime. Çfarë ka rrjedhur.
Ka rrjedhur se në telefonat e sekuestruar, e konfiskuar të drejtorëve dhe punonjësve, janë gjetur mesazhe dhe video që tejkalojnë imagjinatën normale se mund të ekzistojnë. Prokuroria nuk mund ta mbyllte këtë, sepse këtu kemi të bëjmë me një shkallë degradimi moral ekstrem. Dhe ne do ta hetojmë këtë. Partia Demokratike do ta hetojë këtë, nga kryeministria gjer tek të gjitha institucionet, se pikërisht se këto janë një lloj standardi, ato e mbajtën të fshehur në prokurori, e mbajtën të fshehur. Por këto nuk i mban asnjë vend në botë të fshehura.
Jo, zyrtari është i detyruar të zbatojë një kod serioziteti dhe etike në çdo vend të botës dhe në zyrat e tij. Ndaj dhe ç’thonë ata pas 24 orësh, ata thonë ato që u thotë Fuga, i cili dhe vetë është nga më të implikuarit. Ata nuk e shkrojtën. E keni konstatuar ju jë gjë. Ky është i vetmi institucion. Kush është zëdhënësi i tyre? Ata flasin për zëdhënës dhe nuk kanë zëdhënës. Dmth zëdhënësi i tyre është Fuga. Kështu hidhi në kosh këto që thanë. Pse nuk thanë mbrëmë. Pse e thirrën Belind Këlliçin. E thirrën Belind Këlliçin në të njëjtën kohë, vetëm e vetëm për të sfumuar 5 orëshin e Erion Veliajt. Dhe çfarë e pyetën? Na thuaj pak për diplomën. Belind Këlliçi ta dijë çdo shqiptar, është së bashku me një mikun e tij, Etion Kapedani, janë dy shqiptarët që kanë dalë të parët në 1 mijë studentë dhe kanë diplomat më të shkëlqyera të asaj shkolle ku kanë studiuar. Kjo është e vërteta e diplomës së tij.
Ç’është kjo fotografik me Trump. Vazhdojnë këta me Sorosin, sikur ka bërë fotografi me armikun e botës. Ta ketë për nder atë fotografi. Çfarë ligji shqiptar ka thyer Belind Këlliçi me fotografinë me presidentin e zgjedhur Donald Trump, pse ka bërë fotot me të. Të thuhet se po e heton ligji amerikan. A McGonigalin që Edi Rama i ka dhënë thesin me 225 mijë dollarë nga zyra e tij, nuk e hetojnë Edi Ramën për këtë. Nuk e pyesin Edi Ramën. Pyesin Belind Këllçin për foton që ka bërë me presidentin e SHBA-së. Ja pra se çfarë janë, këto kanë lëshuar sot, është e Fugës. Ta nxjerrin zëdhënësin, të thonë që filan gazetar, apo gazetare, jurist është zëdhënës i Altin Dumanit. Nuk ka, sepse është Fuga.
Këto që them unë, janë denoncuar publikisht, por janë, por janë. Jo unë nuk i kam, po ti kisha unë, nuk bëj publike atë gjini faktesh, nuk merrem me atë. Mirëpo shteti është i detyruar të merret sepse tregon një dhunim flagrant të kodit të zyrtarëve dhe është e papranueshme. Ju falënderoj!
