Gazeta e rëndësishme britanike ‘Observer’, publikoi një reportazh të gjatë për protestat që kanë kapluar S...
POLITIKE
“Kam fjetur në zyrë, mbaja edhe armë në dorë”/ Berisha rrëfen momentin e vështirë në 1997
PiranjatPërditësimi i fundit 11 Dhjetor 2025, 22:17
Për Sali Berishën, momenti më i vështirë politik i tij, është rënia e skemave piramidale në Shqipëri, kohë kur ishte President i vendit. Sonte, 11 dhjetor, në “Opinion”, ai rrëfeu se në vitin 1997 ka qëndruar pa dalë nga Presidenca për disa ditë rresht.
-A është e vërtetë që keni qenë me njerëz të armatosur?
Sali Berisha: Absolutisht, edhe vetë!
-Edhe vetë me armë?! Ju keni qenë vetë me armë?!
Sali Berisha: Padiskutim! Sepse vinin dhe e qëllonin Presidencën nga të gjitha anët. Natyrisht ata që bënë sulmin, morën përgjigje, nuk mbetën pa përgjigje. Unë s’mund ta lija zyrën…
-Ju vetë qëlluat ndonjëherë?
Sali Berisha: Jo asnjëherë, por ata që qëlluan morën atë që meritonin.
Më tej, tha se ofroi edhe zgjidhje politike për këtë situatë problematike, por qëllimi ishte eleminimi i tij fizik në atë kohë.
Sali Berisha: U bë marrëveshja, sulmi ndodhi pas marrëveshjes!
-A ndjeni ju përgjegjësi për firmat piramidale?
Sali Berisha: Padiskutim! E kam shprehur, unë prandaj kam dhënë dorëheqjen, vetëm një gjë ama…Kanë bërë dy vite hetim kombëtar e ndërkombëtar dhe kanë gjetur zero implikim të Sali Berishës. Tjetër, gjatë fushatës elektorale, Fatos Nano, i ndjeri, u tha shqiptarëve se do ua kthejë 100%, ia tha një ambasador të them të vërtetën. I tha Nanos premtoje se do fitosh zgjedhjet. Sali Berisha u tha shqiptarëve se nuk mund t’ju kthejë asnjë qindarkë sepse një borxh që nuk është marrë nga qeveria, nuk mund të njihet. E keni marrë vetë! Nëqoftëse unë do doja të riktheja paratë e humbura, kisha çdo mundësi, por do shkelja çdo ligj dhe moral. Por përgjegjësia ishte, ndaj dorëzova pushtetin!
