Një aksident rrugor është regjistruar mëngjesin e së shtunës në aksin Levan-Vlorë, ku një automjet tip Fiat ë...
POLITIKE
Kaosi në Kuvend/ Nuri zbardh planin e mazhorancës për të përjashtuar opozitën para vendimit për Ballukun
PiranjatPërditësimi i fundit 18 Dhjetor 2025, 19:58
Mazhoranca socialiste ka propozuar përjashtimin e 29 deputetëve të opozitës me masa që arrijnë deri në 60 ditë, një lëvizje që opozita e cilëson si një strategji të mirëmenduar për ta anashkaluar atë në një nga vendimmarrjet më të rëndësishme të ditëve në vijim.
Sipas juristit dhe përfaqësuesit të Partisë Demokratike, Franc Nuri, kjo kërkesë nuk është një masë disiplinore e rastësishme, por një manovër e qëllimshme për të pamundësuar pjesëmarrjen e opozitës në Këshillin për Mandatet dhe Imunitetin, i cili do të shqyrtojë kërkesën e SPAK për arrestimin e ministres Belinda Balluku.
Nuri zbuloi se në listën e 29 deputetëve të propozuar për përjashtim përfshihen të shtatë anëtarët (pesë titullarë dhe dy zëvendësues) që opozita ka në këtë këshill kyç. Ai theksoi se koha e veprimeve është treguesi kryesor i këtij plani. Vendimi për përjashtimin e deputetëve pritet të merret në orën 9:00 të mëngjesit të së premtes, ndërsa mbledhja e Këshillit për çështjen "Balluku" është caktuar të mbahet vetëm një orë e gjysmë më vonë, në 10:30.
Nëse masa e përjashtimit miratohet, deputetët e opozitës do të jenë ligjërisht të ndaluar të marrin pjesë në mbledhje. Kjo, sipas Nurit, do të thotë se mazhoranca synon jo vetëm të eliminojë zërin opozitar, por edhe të pengojë përfaqësuesit e saj të njihen me provat dhe dosjen e prokurorisë kundër ministres.
Juristi i PD-së rikujtoi se baza ligjore për sanksione kaq të ashpra u krijua më herët, përmes një ndryshimi të kontestuar të rregullores së Kuvendit, i cili rriti afatin maksimal të përjashtimit nga 10 në 60 ditë. Sipas tij, mazhoranca po e shfrytëzon këtë rregullore, të cilën “e qëndisi vetë pikërisht për një ditë të tillë”, për të arritur objektivat e saj politike. Pavarësisht këtij skenari, Nuri shprehu bindjen se opozita do të gjejë mënyra për ta tejkaluar këtë situatë, qoftë përmes rrugëve procedurale si ankimimi, ashtu edhe me praninë fizike në ambientet e Kuvendit, duke e cilësuar këtë veprim të mazhorancës si të papranueshëm dhe alogjik.
Nuri:
Duhet të rikujtojmë edhe se gjithë gjëja ka nisur për këto lloj sanksionesh edhe më herët, sepse bazën ligjore për këto sanksione gjendet tek rregullorja e ndryshuar në mënyrë të dhunshme, te rregullorja e Kuvendit, e ndryshuar dhe në kundërshtim me Kushtetutën, ku u lejuan që të vendosen sanksione të tilla në rregulloren e Kuvendit deri në 60 ditë përjashtim të deputetëve.
Pra, më përpara përjashtimet maksimale ishin me 10 ditë dhe duke shfrytëzuar jo vetëm ngjarjet e sotme në Kuvend dhe revoltën e shprehur nga deputetët e opozitës për çështjen Balluku dhe jo vetëm, mazhoranca socialiste shfrytëzoi rregulloren që vetë ajo e qëndisi pikërisht për një ditë të tillë, duke i dënuar tashmë, ose praktikisht duke i propozuar dënimin, se vendimi merret nesër po ajo dihet se si do të jetë, përderisa vetë ata e kanë dhe forcën e kartonave, duke propozuar dënime deri në dy muaj, 60 ditë largim, përjashtim nga Kuvendi për 29 deputetë të opozitës.
Praktikisht, pjesa më e madhe e grupit parlamentar të Partisë Demokratike dhe jo vetëm. Qëllimi, nuk është që t'i mbyllin gojën opozitës, është përtej kësaj. Qëllimi është që mos të ketë asnjë deputet të Partisë Demokratike në komisionin nesër, i cili do të shqyrtojë çështjen Balluku, do të shqyrtojë kërkesën e ardhur nga prokuroria për arrestimin e Ballukut.
Pse? Sepse qytetarët shqiptarë duhet ta dinë. Komisioni që do të shqyrtojë, pra Këshilli i Mandateve dhe Imuniteteve, komisioni që do të shqyrtojë kërkesën e prokurorisë të SPAK-ut për lejimin e arrestimit të zonjës Balluku, përbëhet nga deputetë të mazhorancës dhe të opozitës. Janë pesë deputetë të përhershëm të Partisë Demokratike plus dy deputetë zëvendësues, shtatë deputetë.
Pra, të shtatë këta emra, deputetësh të opozitës, janë tek lista e 29 personave që priten të dënohen nesër në 9 të mëngjesit.
Përjashtimi i deputetëve do të vendoset në orën 9 të mëngjesit, nesër, ditën e premte. Ndërkohë, çështja e Ballukut dhe prokurorët e SPAK-ut e të tjera e të tjera, do të diskutohet në 10 e gjysmë. Pra, në momentin që merret një vendim eventualisht për përjashtimin e tyre nga ky këshill, sipas këtij vendimi...shtatë deputetë dhe zëvendësuesit e opozitës, të gjithë praktikisht, që duhet të jenë prezent në mbledhjen e shqyrtimit të kërkesës për arrest të zonjës Balluku, praktikisht, nëse dënohen siç ka kërkuar PS-ja, atëherë ata do ta kenë të vështirë për të qenë prezent.
Por unë mendoj që opozita mund ta tejkalojë këtë moment, qoftë edhe në aspektin procedural, me ankimimet e mundshme që mund të kryejë, por edhe me prezencën e vet fizike, sepse kjo nuk mund të lejohet. Nuk duhet në asnjë mënyrë..
Dhe jo vetëm t’i mbyllet goja opozitës, që kjo s’mund të lejohet, për seancën e nesërme që do jetë një seancë maratonë, por nuk mund të lejohet që opozita të mos njihet me provat, sepse një merak tjetër që ne kemi, është që duke, duke zhvilluar këtë skenar, mazhoranca...
