Pas pushimeve verore, deputetët rikthehen nesër në Kuvend, me nisjen e sesionit të ri parlamentar.
Seanca e parë plenare e sesionit ...
POLITIKE
Kapitalizmi çnjerëzor i Ramës dhe ai i human i Greqisë!
Nga Petrit VasiliPërditësimi i fundit 6 Shtator 2026, 15:53
Rama tregohet haptas çnjerëzor dhe i pamëshirshëm me qytetarët dhe rrit taksat dhe çmimet, ndërsa Greqia rrit pensionet dhe ul çmimet!
Mbështetja e fortë e qeverisë ndaj familjeve në betejën e përditshme të mbijetesës është sot ajo që bën çdo qeveri e përgjegjshme dhe serioze.
Ndërsa në Shqipëri çmimet rriten në mënyrë skandaloze Rama dhe qeveria nuk bëjnë asgjë përkundrazi krijojnë alibi për oligarkët dhe monopolistët e tregut që ata të vazhdojnë të pasurohen çmendurisht.
Rama deklaron pa pikë turpi se “Jetojmë në një sistem ku nuk kemi asnjë praktikë të përcaktimit të çmimeve nga shteti, por kemi një plan për të bërë transparencë për qytetarin lidhur me çmimet e ushqimeve bazë, që do ta prezantojmë kur të jetë i konsoliduar”.
Pra paska dy kapitalizma një të Ramës dhe një të Greqisë.
Pyetjet janë të pashmangshme:
Ky kapitalizmi i Ramës qenka unik, i veçantë, atipik fanar i kapitalizmit në botë?
Po pse Greqia kapitaliste gjen rrugën për uljen e 1740 produkteve, kurse Shqipëria e Ramës jo?
Çfarë kapitalizmi ka Maqedonia dhe Kosova që mbajnë çmime të ulëta qa sa shqiptarët e Shqipërisë shkojnë atje për të blerë se u leverdis shumë më tepër?
Çfarë kapitalizmi ka Evropa që ul TVSH për ushqimet dhe karburantet?
Po pse kapitalizmi i Ramakes gjen rrugë për të rimbursuar tenderxhinjtë e rrugëve për rritjen e çmimeve të hekurit etj, ndërsa për qytetarët mbyll çdo rrugë për çmimet e rritura të ushqimeve të mbijetesës?
Cili kapitalizëm ia mban dorën Ramës të godasë me forcën e ligjit spekulimin abuziv dhe kriminal me çmimet?
Përse Rama nuk ul TVSH e ushqimeve të shportës si të gjithë vendet evropiane por mban më të lartën me 20%?
Të gjitha pyetjet kanë një përgjigje të vetme.
Mbështetja financiare për qytetarët bën që përfitimi të shkojë tek ata, por qeveria kërkon të fitojë e grabisë për vete.
Ndaj nga ulja e çmimeve dhe rritja e pensioneve qeveria nuk vjedh dot dhe për këtë arsye nuk i bën.
Të gjitha paratë e buxhetit qeveria i çon në tendera e koncesione se atje i vjedh rehat milionat me të cilat blen votat, mediat dhe gjithçka.
Kapitalizmi i Ramës është grabitja dhe plaçkitja qytetarët që mezi mbijetojnë janë hiç përpara tij.
Ndaj nuk është sistemi që pengon Ramën të veprojë, por është sistemi pengmarrjes së tij nga narkoekonomia e kullave, pastrimit të parasë dhe e parave të korrupsionit.
