Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
POLITIKE
Kërcënimet nga krimi/ Miratohet akti normativ që mbron efektivët e Policisë, Hoxha: Ja cilat janë format për vënien në zbatim
M.B.Përditësimi i fundit 6 Mars 2025, 12:59
TIRANA- Ministri i Brendshëm Ervin Hoxha tha pas mbledhjes së Këshillit të Ministrave se është miratuar akti normativ për mbrojtjen e punonjësve të policisë, familjarëve të tyre dhe pronës, nga kërcënimit që u bëhet atyre gjatë ushtrimit të detyrës. Hoxha tha se forma e parë është e menjëhershëm e vënies në zbatim është ku drejtori i policisë së shtetit lëshon një urdhër për mbrojtën e policisë, dhe forma e dytë që është që punonjësi i policisë i drejtohet komisionit nëpërmjet procedurave. Ai shtoi se sot hapet një udhëtim i ri për sakrificën dhe mbrojtën e policëve nga kërcënimet që u bëhen për shkak të detyrës.
"Sot Këshilli i Ministrave Miratoi një akt të rëndësishëm për mbrojtjen e punonjësve të policisë, familjarëve të tyre dhe pronës, nga kërcënimit që u bëhet atyre gjatë ushtrimit të detyrës. Synojmë të rrisim bashkëpunimin mes agjencive ligjzbatuese, si SHISH, dhe SPAK në luftë kundër krimit të organizua.
Ky vendim orienton dhe strukturon mënyrën dhe formën se si një polic, duhet të adresojë një kërkesë ndaj komisionit ndaj masave të posaçme ndaj kërcënimeve, i cili bëhet në dy forma. Forma e parë është e menjëhershëm ku drejtori i policisë së shtetit lëshon një urdhër për mbrojtën e policisë, dhe forma e dytë që është që punonjësi i policisë i drejtohet komisionit nëpërmjet procedurave. Hapim sot një udhëtim të ri për sakrificën dhe mbrojtën e policëve nga kërcënimet që u bëhen për shkak të detyrës", tha Hoxha.
