Një shpërthim me lëndë të dyshuar plasëse është regjistruar në orët e para të mëngjesit të so...
POLITIKE
"Kërkohet i gjati, mos është Braçe?"/ Ironia 'therëse' e Berishës
PiranjatPërditësimi i fundit 7 Tetor 2025, 13:15
Kryedemokrati Sali Berisha ka hedhur akuza ndaj qeverisë dhe veprimeve të kryeministrit Edi Rama për ngjarjen e një dite më parë që ndodhi në sallën e Gjykatës së Apelit, ku u shpreh se është një pasojë direkte e mungesës së përgjegjësisë dhe korrupsionit të theksuar që ka përfshirë institucione kyçe të shtetit shqiptar.
“Po të kishte minimumin e përgjegjësisë, ngjarja nuk do të kishte ndodhur kurrë në sallën e gjykatës. Por, pikërisht sepse nuk ka asnjë lloj përgjegjësie, dhe askush nuk mban përgjegjësi, Edi Rama e ka kthyer fajin në një lojë politike,” u shpreh Berisha. Ai akuzoi Ramën edhe për përpjekjen për të mbuluar përgjegjësinë e qeverisë duke e përmendur Kodin Penal, që sipas tij, nuk është shkaku i ngjarjes, por një alibi e dështuar.
Një tjetër akuzë që Berisha ngriti ndaj kryeministrit ishte lidhur me një marrëveshje me “Rrumin” e Shijakut, duke përmendur me ironi emrin e Erion Braçes. “Po kush është ai i gjati? Erion Braçe është ai i gjati që përmendi “Rrumi”?.
Berisha:
Së pari, po të kishte minimumin e përgjegjësisë, ngjarja nuk mund të ndodhte kurrë në sallën e gjykatës së Apelit. Po pikërisht se nuk ka asnjë lloj përgjegjësie dhe nuk mban askush përgjegjësi, Ramaduro thotë se fajin e ka Kodi Penal. Ai kod që lejon dënime nga më të mëdhatë. Ministrat, apo pseudoministrat e tij, në kor, thonë se fajin e ka arma pa leje. Po njerëz të shpifur si këta nuk mund të ketë, të turpshëm. Këta turpërojnë qytet, fshat, vend, krahinë, fis dhe çdo gjë. Këta janë... se e si të vrapojnë... Kjo është një përpjekje e Edi Ramës për të kaluar Kodin Ramaduro-Rakipi. Kodin e narkodiktaturës. Shfrytëzon gjakun, jetën e një gjykatësi për të kaluar kodin e narkodiktaturës. Nuk ka asnjë mungesë në kod. Asnjë mungesë. Si mund të ketë? Kush e pengon detektorin? Funksionimin e tij? Kontrollin me detektor? Kush e pengon që të ketë roje salla e gjyqit? Kush i pengon këto? I pengon korrupsioni dhe mospërgjegjësia. Shikoni sa i papërgjegjshëm, ky që katandisi drejtësinë në gjendje katastrofale me Sorosin, në këtë gjendje ku qytetari duhet të presë 15 vite për drejtësi, qytetarët janë privuar nga procesi ligjor i drejtë që ndodh në kohën e duhur. Ky është kusht në konventa. Gjykimi nuk jepet përnjëherë, do kohën e vet. Por kurrë 15 vite. Vetë drejtuesit e këtyre institucioneve kanë deklaruar se do 15 vite një dosje në apel për t’u shqyrtuar. Vetë ata kanë deklaruar, me përgjegjësi, se nuk ekziston procesi gjyqësor më. Çdo jurist e di që një vendim që jepet pas 15 vitesh nuk ka asnjë vlerë më. Këto nuk e justifikojnë vetëgjyqësinë, por kjo është një katastrofë, ky është një falimentim i sistemit ekzistues. Këtë falimentim të sistemit ekzistues, Edi Rama përpiqet ta maskojë me kodin. Jo mor. Ai kod lejon dënimin përjetë. Çfarë kërkon nga një kod tjetër ti? Me këtë kod janë dënuar me burgim përjetë dhjetëra që i ka liruar Edi Rama mbrapa. I ka liruar ai i gjati, e dëgjuat të Rumin që thoshte me atë të gjatin jemi marrë vesh. Kush është ai i gjati? Erion Braçe është ai i gjati? Më thoni pak se mediat heshtën, nuk dolën me tituj: kryeministri në marrëveshje me Rumin. Jo, jo. Kjo është hipokrizi, ky është tmerr. Është të shfrytëzosh vrasjen e një gjykatësi, të vrasësh për së dyti në këtë mënyrë. Shkoi ai, u fut, ia numëroi sa dha vendimin.
