Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Kërkoi revokimin e masës së sigurisë, mbahet sot në GJKKO seanca për kryebashkiakun Veliaj
r.llPërditësimi i fundit 23 Prill 2025, 10:19
erion veliaj
TIRANË- Në Gjykatën e Posaçme do të zhvillohet ditën e sotme seanca për kryebashkiakun e Tiranës, Erion Veliaj. Sipas informacioneve, seanca do të zhvillohet në orën 13:00. Gjykata pritet të vendosë sot nëse do të pranojë apo jo kërkesën e kryebashkiakut për ndryshim të masës së sigurisë. Ndërkohë më 16 prill, shkak për shtyrjen e seancës është bërë kërkesa e avokatëve, për tu njohur me aktet e hetimit 2-mujor, pasi SPAK solli veprimet hetimore të kryera ndaj Veliajt.
Kryebashkiaku i Tiranës Erion Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Bashkëshortja e kryebashkiakut, Ajola Xoxa është lënë në masë sigurimi "detyrim paraqitje".
Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.
