Kryeministri Edi Rama ka reaguar sërish në rrjetet sociale pas një postimi të një qytetareje nga Tetova lidhur me protestat kundë...
POLITIKE
Koka: Zgjedhja e kreut të SPAK, nën presionin e interesave amerikane. KLP dhe pyetjet ‘banale’ tregojnë degradimin e drejtësisë
PiranjatPërditësimi i fundit 11 Dhjetor 2025, 18:23
Gazetari Bledian Koka, i ftuar sot në emisionin “Task Force” në Syri TV, komentoi zgjedhjen e kreut të SPAK, Klodian Braho, duke e cilësuar procesin si problematik dhe të influencuar nga interesat e huaja.
Ai theksoi se reagimi i Ambasadës së SHBA-së, që e shoqëroi zgjedhjen, sugjeron se kreu i SPAK pritet të mbrojë interesat e bizneseve amerikane, duke ngritur pyetje mbi mbrojtjen e interesave të bizneseve shqiptare dhe të tjera ndërkombëtare.
Gazetari denoncoi gjithashtu nivelin e dobët të pyetjeve në KLP, që ai i përshkroi si banale dhe injorante, dhe kritkoi sjelljet e Klodian Brahos gjatë seancës, si marrja e gotës së ujit, të cilat sipas tij tregojnë një teatralitet banal dhe mungesë serioziteti.
Ai e vlerësoi gjithë këtë proces si një shembull të degradimit të institucioneve dhe mungesës së profesionalizmit, edhe në kuadër të periudhës tranzitore në drejtësi.
Fjala e tij:
Reagimi i djeshëm i ambasadës ishte problematik në vetvete. Pra, ata thanë që ne kemi zgjedhur në krye të SPAK-ut një njeri që do na mbrojë interesat e bizneseve amerikane. Po interesat e bizneseve shqiptare kush do t'i mbrojë? Po interesat e bizneseve angleze, kush do t'i mbrojë? Pikërisht pra. Po po, patjetër, kjo është retorika. Pra sot ne po flasim që vetë ata partnerët tanë ndërkombëtarë na konfirmuan dje… Se unë mund ta kuptoj mandatin e parë të SPAK-ut, që është një mandat i cili, si me thënë, nuk ke çfarë i thua, se janë duke u orientuar se çfarë do bëjnë e qysh e tek.
Mund ta kuptoj edhe problematikën e mandatit të dytë. Po në qoftë se në fund të mandatit, pas gjashtë viteve, partnerët tanë ndërkombëtarë na thonë që, pavarësisht se ne kemi qenë këtu asistentë, kemi ndihmuar që diçka… jo, nuk ecën vetë. Por ju, praktikisht, keni një garë me katër prokurorë të këtij organi të akuzës, ku tre prej të cilëve nuk bëjnë për kryetar të SPAK-ut, sepse janë të dyshimtë, sepse janë të pabesueshëm dhe madje, po të duash, janë edhe të paaftë. Dhe i vetmi njeri që e bën këtë punë është ky që duam neve, Klodian Braho, i cili për mua sot – ma solli një koleg i imi në vëmendje – më rezulton të jetë një që, që në nisje, e nisi me një teatralitet banal.
Kishte marrë gotën e ujit me vete sot. Po çfarë e merr gotën e ujit me vete te një institucion shtetëror si KLP-ja? Ke frikë se të helmon KLP-ja? Ujin mund ta kuptoj, por gotën jo. Ky kreu i SPAK-ut është supersticioz. Pra, ky njeri është kaq i kujdesshëm për punën e vet saqë edhe gotën e ujit e merr me vete. Pra, kaq i përkushtuar është për punën e tij. Ta mbaroj… e di pse? Sepse “nuk ka një mundësi të dytë për të dhënë përshtypjen e parë”, thonë italianët: Non c'è una seconda possibilità di dare la prima impressione.
Që do të thotë, unë sot pashë që ne kemi një teatral, një aktor, i cili për të tërhequr vëmendjen, në ditën më të rëndësishme të asaj seancës së solemnitetit, bën teatralitete. Dhe për mua kjo është shqetësuese. Pra, sot, në një proces i cili duhej të ishte një proces serioz, ne morëm vesh që kemi ca debila dhe ca injorantë në krye, që drejtojnë KLP-në, të cilët bënin ca pyetje banale që o Zot i madh nuk i bën njeri. Njëri e pyeste kandidatin për kafen, “Si duket kafja e SPAK-ut?”, i thoshte.
Edhe tjetri e pyeste: “Cila është pika jote më e fortë?”, sikur të ishte duke pyetur ndonjë miss: “Cili është misioni yt? Do shpëtosh botën apo jo?” Ore, sot ishte çmenduri, more! Sot unë pashë se në çfarë derexheje ka përfunduar shteti shqiptar, çfarë idiotësh dhe injorantësh kemi ne për njerëz që duhet të jenë garantët që prodhojnë krerët e institucioneve shqiptare. Dhe sot kam thënë: mirë mor që nuk e ha këtë vend, se na ka shpëtuar Zoti, se me këta që kemi në krye… kjo është çmenduri totale dhe turp i madh.
Çfarë thua, domethënë, kapja fillon që në hapat e parë. S’pashë një element normal që të justifikonte edhe atë dështim që po na e pranonin vetë ndërkombëtarët me këtë gjënë e madhe që s’po i vë dot një fjalë, që quhet SPAK. Na thanë që do jenë tranzitorë. Ne jemi nëntë vite pas miratimit të reformës në drejtësi.
