Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Kolegji i Evropës në Tiranë hap dyert për studentët, Ministri Hasani: Kampusi vendos rajonin tonë më të fortë për integrimin në BE
n.fPërditësimi i fundit 3 Qershor 2024, 12:33
Takimi
TIRANË- Ditën e sotme Kolegji i Evropës ka hapur dyert për studentët e parë. Kolegji i Europës është i pari vendin tonë dhe u pak më qendër në Tiranë. Në takimin me studentët morën pjesë ministri për Evropën dhe Punët e Jashtme, Igli Hasani dhe Drejtorja e Programit pilot të Akademisë Diplomatike Evropiane, Federica Mogherini.
Ata i uruan mirëseardhjen studentëve në trajnimin e zhvilluar nga Kolegji i Evropës me mbështetjen e Mbretërisë së Holandës. Ministri Hasani theksoi se Kampusi i Tiranës do ta vendosë rajonin tonë më të fortë dhe më të përshtatshëm për arritjen e qëllimit, integrimin e Ballkanit Perëndimor në BE.
“Besoj se për të gjithë ju që vini nga rajoni, do të ndjeni frymën e Evropës këtu. Përdoreni atë ndjenjë dhe ndërtoni ura bashkëpunimi që do ta bëjnë rajonin tonë më të fortë dhe më të përshtatshëm për arritjen e qëllimit: integrimin e Ballkanit Perëndimor në BE. Më lejoni ta mbyll duke ju thënë, kolegë të rinj, se Evropa është vendi ku qëndrojnë zemrat tona! Dhe zemrat tuaja po rrahin këtu sot. Mirësevini në Kolegjin e Evropës në Tiranë! Jini të guximshëm, jini evropianë”, tha Hasani.
Rektorja e Kolegjit të Evropës Federica Mogherini gjatë fjalës së saj u shpreh se nisma të tilla forcojnë bashkëpunimin mes rajonit dhe sjellin më afër integrimin e Ballkanit Perëndimor në BE.
“Ne kemi thënë gjithmonë se duhet të punojmë shumë me rajonin, për ta përgatitur atë drejt anëtarësimit në BE dhe prandaj kjo gjë ka filluar dhe duhet bërë reale, me këta zyrtarë të rinj të cilët punojnë në administrata të ndryshme që nisin trajnimin në Kampusin e Tiranës”, tha ajo.
Trajnimi do të fokusohet mbi integrimin evropian dhe bashkëpunimin rajonal, i cili do të mbahet në Tiranë, Bruksel dhe Hagë. Ky është trajnimi i parë që hap dyert e Kolegjit të Evropës në Tiranë.
