Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
KQZ cakton relatorin e ankimit të socialistëve kundër sanksionit për parregullsi financiare
I.APërditësimi i fundit 9 Maj 2024, 16:53
KQZ
TIRANË- Elvis Çefa do të jetë relatori i ankimimit të Partisë Socialiste, që kundërshton vendimin e Komisionerit Shtetëror të Zgjedhjeve, për një gjobë prej 60 mijë lekë, pasi gjeti parregullsi në raportin financiare të kësaj force politike për vitin e shkuar. Çefa u zgjodh pas hedhjes së shortit të mjediset e KQZ, pa praninë e anëtarëve të Komisionit të Ankesave dhe Sanksioneve. Referuar ankimimit të bërë nga Partia Socialiste, që mban firmën e Sekretarit për Çështjet Zgjedhore dhe Ligjore, Eridian Salianji, audituesit kanë bërë disa shkelje gjatë punës së tyre ndaj dhe kanë dalë në përfundimin se raporti i dorëzuar prej tyre ka pasur parregullsi.
“Konstatimi se nuk është paraqitur i ndarë aktiviteti vjetor i Partisë dhe aktiviteti nëpër fushatën zgjedhore të 6 Marsit, nuk qëndron, sepse në bilanc është përfshirë si aktivitet i zakonshëm, ashtu edhe aktiviteti për fushatën e 6 Marsit, fakt që vetë audituesja e ka cilësuar. Fushata e 6 Marsit është raportuar sipas ligjeve të KQZ dhe është audituar veç”, është një prej argumenteve të PS.
Edhe sa i përket gjetjeve të audituesëve për parregullsi në pagesat e honorareve dhe tatimit të tyre, socialistët pretendojnë se llogaritë u janë bërë gabim dhe nuk kanë bërë asnjë shkelje.
“Pagat e punonjësve me honorar janë menduar që të jepen në arkë, sepse pavarësisht faktit se si paguhen, rëndësi ka që të paguhen detyrimet tatimore ndaj shtetit, gjë që të cilën PS e bën rregullisht”, vijohet më tej në argumentim e partisë së qendrës së majtë.
Tashmë pritet që Çefa të caktojë dhe datën e mbledhjes së Komisionit të Ankesave dhe Sanksioneve, ku do të debatohet për ankimin e socialistëve. KQZ gjobiti një duzinë partish politike, pasi gjeti një sërë shkeljesh në raportet e tyre financiare.
