Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
KQZ i hoqi mandatin Belerit/ "Lexoni Kushtetutën", Manjani: Kryetarin e zgjedhur të bashkisë e shkarkon vetëm Këshilli i Ministrave, jo Agaçi por Rama
r.llPërditësimi i fundit 7 Korrik 2024, 12:54
fredi beleri
TIRANË- Ish-ministri i Drejtësisë, Ylli Manjani ka reaguar sot lidhur me vendimin e dhënë nga Komisioni Qendror i Zgjedhjeve për heqjen e mandatit të kryebashkiakut të zgjedhur të Himarës, Fredi Belerit.
Në një postim në Facebook, Manjani ka publikuar dy paragrafe nga neni 115 i Kushtetutës dhe neni 62 i Ligjit për Qeverisjen Vendore, të cilat thonë se kryetarin e zgjedhur të bashkisë e shkarkon vetëm Këshilli i Ministrave.
"Pra, jo KQZ por Qeveria. Kur themi qeveria jo Engjell Agaci por Edi Rama dhe mbledhja e Këshillit të Ministrave. Edi Rama mund të mos dojë të ketë firmën e Tij tek ky pisllëk që ka gatuar prej në viti, por Kushtetuta ja lë Atij këtë barrë, jo Engjellit. Aq më pak Celibashit.", shkruan Manjani.
POSTIMI I MANJANIT:
Që ti vëmë kapak çështjes së shkarkimit të Fredi Belerit, tashmë jo thjesht për orarin e gabuar të vendimit, por për thelbin e çështjes.
Neni 115 i Kushtetutës së Republikës, (përfshi edhe republikën e Bajramit dhe të Edit);
Neni 62 i Ligjit për Qeverisjen Vendore;
SHPREHIMISHT parashikojnë se kryetarin e zgjedhur të bashkisë e shkarkon vetëm Këshilli i Ministrave.
Pra, jo KQZ por Qeveria. Kur themi qeveria jo Engjell Agaci por Edi Rama dhe mbledhja e Këshillit të Ministrave.
Edi Rama mund të mos dojë të ketë firmën e Tij tek ky pisllëk që ka gatuar prej në viti, por Kushtetuta ja lë Atij këtë barrë, jo Engjellit. Aq më pak Celibashit.
Fredi Beleri nuk kishte problem zgjedhshmërie, por mosushtrimi mandati. Ai u zgjodh kryetar dhe, me vendim të KQZ pasuar nga Gjykata e Vlorës, u konfirmua zgjedhja e tij si kryetar i Bashkisë.
Nuk e lanë të ushtrojë mandatin, e dënuan dhe pas vendimit të dënimit, ligjërisht duhet ta shkarkojë Qeveria, jo KQZ-ja. Dëgjon apo jo, o Bajram?!
Lexoni Kushtetutën, o ju që jeni betuar se do jepni jetën për të!!!
KQZ vendosi më5 korrik të shpallë të pavlefshëm mandatin e kryebashkiakut të zgjedhur të Himarës, Fredi Belerit. Ky i fundit la ambientetet e burgut dhe ishte gjithashtu i pranishëm në seancë. Beleri tha në nisje të fjalë së tij se mungon baza ligjore në KQZ për shqyrtimin e mandatit, ku shtoi se "dikush do të nxjerrë gështenja nga zjarri me duart e KQZ-së."
Ai u shpreh se ashtu siç erdhi për këtë seancë mund të ishte lejuar edhe për kryerjen e betimit të tij si kryebashkiak në Himarë. Beleri tha se fillimisht duhet lejuar të betohet dhe më pas kryeministri Edi Rama ta shkarkojë nga detyra si kryebashkiak. Celibashi para shpalljes së vendimit tha se vendimi i KQZ nuk u nxit sipas tij nga askush përveçse nga ligji dhe Kushtetuta. Ai tha po ashtu se ishte në kompetencën e plotë dhe të rregullt shqyrtimi i mandatit të Belerit.
Fredi Beleri i cili garoi nën siglën e koalicionit "Bashkë Fitojmë” në zgjedhjet lokale të 14 Majit u arrestua nga policia disa orë para zgjedhjeve pasi u kap duke bërë pazare me votat. Më vonë ai u dënua me 2 vite burg nga Shkalla e Parë, nën akuzën për korrupsion në zgjedhje. Aktualisht Fredi Beleri është zgjedhur eurodeputet i partisë Demokracia e Re e drejtuar nga Kyriakos Mitsotakis.
