Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Qeveria vodhi 930 milionë euro në 9 muaj"/ Berisha: Më këtë shifër, rrogat e shqiptarëve do ishin rritur me 130 përqind
I.APërditësimi i fundit 6 Korrik 2024, 21:37
Sali Berisha
TIRANË- kryedemokrati Sali Berisha akuzoi Edi Ramën se me qeverinë e tij ka vjedhur 930 milionë euro në vetëm 9 muaj. Gjatë fjalës së tij në tubimin qytetar, Berisha ka theksuar se me këtë shifër, rrogat e shqiptarëve do ishin rritur me 130 përqind.
"Ftoj shqiptarët të bashkohemi dhe të mos qëndrojmë skllevër të vjedhjes qeveritare, e cila vetëm në fonde publike në 9 muaj arrin në 930 milionë euro sipas KLSH-së. 930 milionë euro është rroga e shqiptarëve e rritur me 130 përqind. Të ngrihemi, të mos qëndrojmë skllevër të këtij regjimi që në një anë nga paratë e taksave vjedh 930 milionë euro, nga ana tjetër 18 përqind e fëmijëve mbeten me një apo dy vakte në ditë ushqim. Nga një anë vjedh 930 milionë euro, nga ana tjetër 47 përqind e fëmijëve mbeten në gjendje urie.
Të përmbysim këtë regjim që nga një anë vjedh në 9 muaj 930 milionë euro, nga ana tjetër largon pasivisht shqiptarët si në asnjë vend tjetër të planetit nga Shqipëria. Si në asnjë vend që nuk është në luftë civile nga Shqipëria. Largon në 8 vite 40 përqind të shqiptarëve sipas statistikave të BE, Britanisë së Madhe dhe SHBA.Miqtë e mi, o sot o kurrë shqiptarët duhet të bashkohen kundër këtij regjimi që ka vendosur modelin e vjedhjes 100 përqind të fondeve publike, cili është rasti i Erion Veliajt. Nga ana tjetër, qindra e mijëra shqiptarë ndërrojnë jetë të pamjekuar nga sëmundjet e pamëshira, nga sëmundjet e egra, sepse ilaçet i merr korrupsioni, sepse ilaçet nuk sillen për 6 muaj dhe 1 vit, sepse aparaturat mbeten stoqe ose të papërdorura për vite e vite," tha Berisha.
