Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
POLITIKE
KQZ miraton projektvendimin për ndarjen e mandateve/ 46 deputetët e parë për çdo parti caktohen nga kryetari, ja si ndahen mandatet për çdo qark
M.B.Përditësimi i fundit 22 Janar 2025, 13:03
TIRANA- Komisioni Qendror i Zgjedhjeve ka miratuar projektvendimin për caktimin e numrit të kandidatëve për deputetë në listat shumë emërore, për çdo zonë zgjedhore, për zgjedhjet parlamentare të 11 majit.
Sipas formulës që do aplikohet për herë të parë në zgjedhjet e pranverës, 46 deputetët e parë të çdo subjekti garues do të jenë produkt i listës së mbyllur ku renditjen e cakton kryetari, ndërkohë vetëm partie që arrijnë të marrë një numër mandatesh që tejkalon listën e mbyllur do kenë mundësi të çojnë në Kuvend deputetë si preferencë e qytetarit.
Për zgjedhjet parlamentare të 11 majit, partitë politike duhet të gjejnë 186 kandidatë, pasi ndonëse garohet për 140 ulëse në Parlament, ndarja e listës së kandidatëve në dy pjesë, një e fiksuar dhe pjesa tjetër e hapur, detyron subjektet garuese të paraqesin më shumë emra. Parashikohet që partitë politike të paraqesin një listë të ndarë në dy pjesë, ku 46 do të jenë në pjesën e mbyllur ndërsa 140 në pjesën e hapur, ku do të garohet për çdo votë.
Ndarja e mandateve për secilin qark si vijon:
Qarku Berat, 7 mandate, 2 të renditur Qarku Dibër, 5 mandate, 2 të renditur Qarku Durrës, 14 mandate, 5 të renditur Qarku Elbasan, 14 mandate, 5 të renditur Qarku Gjirokastër, 4 mandate, 1 i renditur Qarku Fier, 16 mandate, 5 të renditur Qarku Korçë, 10 mandate, 3 të renditur Qarku Kukës, 3 mandate, 1 i renditur Qarku Lezhë, 7 mandate, 2 të renditur Qarku Shkodër 11, 4 të renditur Qarku Tiranë, 37 mandate , 12 të renditur Qarku Vlorë 12, 4 të renditur
