Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
"Kur morëm detyrën FA mbështeteshin me 28 milion euro," Rama: Kemi dhjetëfishuar investimet në fushën e Mbrojtjes!
n.fPërditësimi i fundit 5 Prill 2025, 17:31
TIRANË- Kryeministri Edi Rama dhe ministri i Mbrojtjes, Pirro Vengu kanë marrë pjesë ditën e sotme në një takim në Zall Herr, ku është bërë prezantimi i arritjeve në fushën e Mbrotjes. Rama gjatë fjalës së tij u shpreh se kapaciteti i drejtuesve është i vetmi aset i trashëguar nga e shkuara pasi këto forca i mbijetuan me shumë vështirësi një sfide si rezultat i shëmbjes së shtetit dhe më pas i kthimit të kurrizit nga ana e shtetit.
Ai më tej theksoi se gjatë qeverisjes së tij janë 10-fishuar investimet në fushën e mbrojtjes. Rama gjithashtu bëri një pasqyrim sesi ishte gjendja kur mori ai detyrën teksa theksoi se FA mbështeteshin me 28 milion euro investime.
"Në aspektin e integrimit të ushtrisë tonë në komunitetin euroatlantik, të gjithë bënë përpjekjet e tyre, në aspektin e përkujdesjes dhe mbështetjes të ushtrisë tonë, Shqipërisë i ndodhi ajo që nuk i ka ndodhur asnjë vendi tjetër. Një rënie në humnerë dhe më pas një braktisje shumë e gjatë. Nëse sot ne kemi një trupë që mbështetet mbi kapacitete të rëndësishme njerëzore, ky është i vetmi aset i trashëguar nga e shkuara, që është kapaciteti i drejtuesve, falë të cilëve, këto forca i mbijetuan me shumë vështirësi një sfide si rezultat i shëmbjes së shtetit dhe më pas i kthimit të kurrizit nga ana e shtetit ndaj Forcave të Armatosura.
Nga njëra anë është krenari të them se në 10 vite kemi 10-fishuar investimet në fushën e mbrojtjes, por është dramatike të mendosh se kur morëm detyrën FA mbështeteshin me 28 milion euro investime. Sot është shumë më e vogël se shifra që kemi investuar vetëm për emergjencat civile," tha ai.
