Protestat studentore në Shqipëri kanë marrë mbështetjen e Demokratëve Evropianë, të cilët nga kongresi i tyre n&e...
POLITIKE
Kushtetuesja pa vendim për Ballukun/ Këlliçi: Vonesat i shërbejnë vetëm Belindës dhe Ramës
PiranjatPërditësimi i fundit 3 Shkurt 2026, 18:38
Deputeti i Partisë Demokratike, Belind Këlliçi, ka reaguar ndaj shtyrjes së vendimit të Gjykatës Kushtetuese lidhur me çështjen e zëvendëskryeministres Belinda Balluku, duke deklaruar se kjo vonesë i shërben vetëm kryeministrit Edi Rama dhe Ballukut.
Përmes një reagimi në rrjetet sociale, Këlliçi theksoi se qytetarët dhe drejtësia presin një vendim, ndërsa shtyrja pa afat dhe pa shpjegime, sipas tij, tregon mungesë serioziteti në trajtimin e çështjes.
Postimi i plotë:
Shtyrja e vendimit për Ballukun nga Gjyjata Kushtetuese, pa dhënë shpjegime, pa shpallur një datë se kur do të shprehen, nuk tregon aspak se kjo çështje po trajtohet me seriozitet.
E vetmja palë që dëshiron që kjo të ndodhë, që të ketë zvarritje pa fund, është e pandehura dhe shefi i saj, Edi Rama. Publiku, qytetarët, taksapaguesit e vendit duan një vendim. Drejtësia nga ana tjetër, është bllokuar, masa e kërkuar nga SPAK ka ngelur e ngrirë. Dhe drejtësia ka nevojë për një vendim.
Por sërish, Kushtetuesja edhe sot la të kuptojë se ka të tjera prioritete. Me vendmin që ka marrë sot, duke mos marrë vendim e duke e shtyrë pa afat, pa transparencë deri më tani, instanca më e lartë në Gjyqësorin tonë, i ka shërbyer dyshes Rama-Balluku.
Eshtë pikërisht kjo dyshe që synon që kërkesa e SPAK të shtyhet e shtyhet, mundësisht të kalojë afatin 3 muaj, në mënyrë që të bjerë automatikisht. Sot janë bërë thuajse 50 ditë që kur SPAK ka dorëzuar në Kuvend kërkesën për arrestimin e Ballukut.
Edi Rama që përbetohej se nuk do të ndalonte drejtësinë, kësaj radhe e ka bllokuar dhe ka kaluar në sulm frontal ndaj prokurorëve dhe gjyqtarëve që kanë çështjen Balluku. Vetëm se i ka ardhur shumë për shtat dhe shumë në favor Gjykata Kushtetuse, pas të cilës ai tanimë po fshihet.
Kjo e sotmja është dhe një arsye më shumë që qytetarët të bashkohen me 10 shkurt në Bulevard.
Bashkimi, rezistenca, forca jonë janë drejtësia që ka nevojë vendi.
