Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"Kuvendi nuk është një situatë normale!" Këshilli i Legjislacionit, Bardhi: Gjykata Kushtetuese ka gjetur 4 herë në shkelje këtë mazhorancë
M.B.Përditësimi i fundit 6 Shtator 2024, 13:12
TIRANA- Kreu i Grupit Parlamentar të PD-së, njëherësh anëtar i Këshillit të Legjislacionit, Gazment Bardhi, tha sot se është aspak normale situatën që ndodhet Kuvendi i Shqipërisë. Sipas Bardhit, Kuvendi është kapur në të paktën 4 shkelje Kushtetuese, bazuar në vendimin e Gjykatës Kushtetuese. Ai ka shtuar se Këshilli i Legjislacionit është mbledhur dy herë brenda javës, pasi mazhoranca është kapur 4 herë në shkelje të Kushtetutës.
Bardhi tha se Kuvendi duhet të dalë me një qëndrim të qartë dhe të mos zvarrisë mëtej çështjen e tatimit të profesioneve të lira, pasi çdokush që ka paguar një taksë që rezultoi anti-Kushtetuese nuk ka pse të presë për t’iu kthyer pas shuma e paguar.
“Mazhoranca po sillet sikur jeni në një situatë normale. Në fakt ky Kuvend nuk është një situatë normale. Në vetëm 2 muaj, Gjykata kushtetuese ka gjetur 4 herë këtë mazhorancë në shkelje. Përcaktuat rregulla shtypës për opozitën dhe kërkoni ndjese për bllokimi në komisioneve hetimore.
Dhe akoma me shumë kërkoni ndjesë për reprezalen që bëtë ndaj 30 mijë intelektualeve e dhe profesionist të lire. Duhet menjëherë të kemi një iniciativë ligjore që secilit prej profesionistëve të lirë t’i kthehen mbrapsht ato para që janë paguar për shkak të një ligji antikushtetues. Çdo akt zvarritje do të ishte i turpshëm”, tha Bardhi.
