Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
Lobimi i PD-së në SHBA, Rama: 6 mln euro janë shumë për të hequr damkën e një personi non grata! Ku i gjetën gjithë ato para?
n.fPërditësimi i fundit 27 Prill 2025, 19:17
VLORË- Kryeministri Edi Rama gjatë fjalës së tij në takimin me gratë dhe vajzat në Vlorë ka folur në lidhje me lobimin e PD-së në SHBA. Rama u shpreh se u paguan 6 mln euro për të hequr damkën e një personi non grata duke iu referuar kryedemokratit, Sali Berisha. Ai theksoi se kjo është shumë e madhe teksa ngriti pikëpyetjet se ku janë marrë ato para.
Rama ironizoi teksa tha se opozita theksonte se sapo Trump do të merrte qeverisjen do të ikte non grata. Sipas tij kjo nuk ishte e mundur dhe u shtuan edhe 6 milionë euro me shprese se do të hiqet non grata.
"Unë besoj që të gjitha ju që jeni këtu sot ashtu si të gjithë të tjerët që e ndjekin këtë ballafaqim jeni sot të habitura nga fakti që janë paguar 6 milionë euro, thuhet nga patriot, ju kujtohet se edhe herën e kaluar Luli për 500 mijë u bë leckë edhe ai tha u mblodhën disa patriot. 6 milionë euro për të hequr damkën e një personi ‘non grata’ janë shumë për të mos bërë pyetjen se ku i gjetën gjithë ato para dhe si mundet që thjeshtë dhe vetëm për hallin e një njeriu të paguhen më shumë para se sa shteti i jep për të gjitha partitë politike të marra së bashku, është edhe pak e çuditshme se ne na thanë se sa të vinte Trump do të ikte non grata tani na u dashkan edhe 6 milionë euro me shprese se do të hiqet non grata dhe sikur të rri dhe sikur të iki kjo nuk është çështja e shumicës dërrmuese të shqiptarëve që janë sot në një moment historik,' tha ai.
