Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
Studenti i Mjekësisë, Jon Sinoimeri reaguar ashpër ndaj kryeministrit Edi Rama, duke deklaruar se kreu i qeverisë ka publikuar fotografin&...
POLITIKE
“Luftë korrupsionit dhe krimit”/ Gonzato apel të rinjve: Mos u largoni! Sillni Evropën këtu!
PiranjatPërditësimi i fundit 8 Dhjetor 2025, 18:38
Ambasadori i Bashkimit Evropian në Tiranë, Silvio Gonzato i bëri apel të rinjve shqiptarë që të qëndrojnë në vend, duke theksuar se Evropa duhet të vijë këtu.
Në aktivitetin “Rrugët e Rinisë 2030” në një aktivitet në kuadër të Ditës së Rinisë, Gonzato theksoi se në procesin e integrimit të vendit do të kërkohet më shumë angazhim për t’i dhënë fund pandëshkueshmërisë dhe krimit, duke nënvizuar se të rinjtë duhet të jenë pjesë aktive e këtij ndryshimi.
“Sot Shqipëria ka një zgjedhje: a dëshironi që Europa të vijë këtu, apo dëshironi të ndiqni shembullin e atyre të rinjve që janë larguar nga vendi për të shkuar në Europë? Procesi i anëtarësimit në BE nuk është teknik, është politik.
Është një mundësi unike që gjërat të ndryshojnë në Shqipëri, për një Shqipëri më të mirë.
Thirrja ime për ju është që këto reforma të sjellin rezultate konkrete, të ndryshojnë mendësinë dhe mënyrën e të menduarit. Të japin fund korrupsionit, mosndëshkueshmërisë dhe të luftojnë krimin e organizuar. Të sjellin begati dhe barazi për të gjithë, të garantojnë qasje në arsim dhe shëndetësi. Që e gjitha kjo të ndodhë, puna duhet të përshpejtohet. Ju duhet të mobilizoheni dhe të veproni. Përndryshe, asgjë nuk do të ndryshojë”, tha ambasadori Gonzato.
