Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Mandati i Vullnet Sinajt/ Bardhi debat me deputetin socialit te Këshilli i Rregullores: Ke futur duart në buxhet! Na thuaj edhe lejet e ndërtimit që ke marrë në Tiranë
n.fPërditësimi i fundit 20 Nëntor 2024, 14:43
Foto ilustruese
TIRANË- Këshillin për Rregulloren, Mandatet dhe Imunitetin është mbledhur ditën e sotme për të diskutuar në lidhje me mandatin e deputetit socialist, Vullnet Sinaj. Seanca nuk ka qenë aspak e qetë ndërsa ka patur edhe debate mes Sinajt dhe kreut të Grupit Parlamentar të PD-së, Gazment Bardhit.
Bardhi iu drejtua Sinajt duke i thënë se ai ka futur duart në buxhetin e shtetit. Bardhi shtoi se ai i ka dhënë lekë për buxhetin për dëmin qe ka shkaktuar ndërsa Sinaj ka futur duart në buxhetin e shtetit. Kreu i Grupit Parlamentar të PD-së shtoi duke iu drejtuar Sinajt që tu tregojë edhe lejet e ndërtimit që ka marrë në Tiranë. Ndërkohë Sinaj u shpreh se nuk ka marrë asnjë leje ndërtimi ndërsa e quajti atë shpifës dhe gënjeshtar.
Vullnet Sinaj:Nuk i ke thënë punës mirëmëngjes një ditë. Nuk të toleroj. Unë s'kam vjedhur, bëj biznes të ndershëm. Sikur të bënin të gjithë biznes të ndershëm siç bën biznesi im. S’të lejoj fare ty, se ti ke gëlltitur një luftë çorbë të prishur dhe do vjedhësh tërë jetën do e tregojë historia punën tende.
Bardhi: Nëse deputeti është si drejtues i mbledhjes na thuaj. E mori fjalën pa ia dhënë ju. Zotëria unë i kam dhënë lekë buxhetit për dëmin që kam shkarkuar, ti ke futur duart në buxhetin e shtetit. Na thuaj edhe lejet e ndërtimit që ke marrë në Tiranë. Ata që fusin duart në buxhetin e shtetit, siç je ti, do kesh gishtin gjithmonë të ngritur sepse ke shkelur kushtetutën.
Vullnet Sinaj:Skam marrë asnje leje ndërtimi e themi publikisht, vetëm leja para se të bëhesha deputet për biznesin. Ti vazhdon të gënjesh, se s’të lë vesi. Je gështenjshtar dhe shpifës.
