Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Marrëveshja e emigrantëve, OKB kritikon Protokollin me Italinë: Ka konflikt me Konventën për të Drejtat Civile dhe Politike
n.fPërditësimi i fundit 1 Prill 2025, 23:04
TIRANË- Komiteti i Kombeve të Bashkuara për të Drejtat e Njeriut ka kthyer sytë nga marrëveshja e emigrantëve mes vendit tonë dhe Italisë. OKB kritikon Protokollin me Italinë teksa thekson se sheh një konflikt të mundshme me Konventën Ndërkombëtare për të Drejtat Civile dhe Politike, traktati i vitit 1966 që është i drejtpërdrejtë i Deklaratës Universale të të Drejtave të Njeriut.
Në njoftimin për shtyp, në seksionin kushtuar “Trajtimit të migrantëve, refugjatëve dhe azilkërkuesve”, Komiteti vë në dukje pezullimin e zbatimit të Protokollit ndërmjet Këshillit të Ministrave të Republikës së Shqipërisë dhe Qeverisë së Republikës Italiane për forcimin e bashkëpunimit për çështjet e migracionit, të përfunduar në vitin 2023.
Sipas njoftimit Komiteti është i shqetësuar për konfliktet e mundshme midis Protokollit dhe Konventës, e cila zbatohet për menaxhimin jashtëterritorial të procedurave të emigracionit dhe azilit, të tilla si ato që kanë të bëjnë me ndalimin automatik të emigrantëve dhe rrezikun e ndalimit të zgjatur, si dhe rrezikun për t’iu nënshtruar procedurave joadekuate të emigracionit ose azilit. Referenca, thotë është tek nenet 7, 9, 12 dhe 13 të Konventës.
Më tej ata theksojnë se “shteti palë”, i rekomandon Shqipërisë se duhet të sigurojë që të gjithë personat që kërkojnë mbrojtje ndërkombëtare të kenë akses të lirë në territorin kombëtar dhe në procedura të drejta dhe efikase për përcaktimin individual të statusit të refugjatit ose të drejtën për mbrojtje ndërkombëtare, në mënyrë që të garantojë respektimin e parimit të mos-kthimit; dhe të sigurojë që legjislacioni i tij, si dhe Protokolli i lidhur me Italinë, të jenë në përputhje të plotë me këto kërkesa”.
