Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Socialistët e shohin Ramën si njeri të pabesë", Berisha: Grupi Xhafaj është grupi armiqësor i listës së PS në Tiranë
r.llPërditësimi i fundit 1 Prill 2025, 21:02
sali berisha
TIRANË- Kryetari i PD-së, Sali Berisha tha sot në takimin me drejtuesit e qarqeve dhe krerët e degëve se socialistët e shohin kryeministrin Edi Rama si njeriun më të pabesë.
Berisha theksoi se, në Tiranë grupi armiqësor i listës së PS është "grupi Xhafaj". Por sipas kryedemokratit, e njëjta situatë për PS-në, është në të gjitha qarqet.
Gjatë fjalës së tij, Berisha u shpreh se fitorja buron nga ndërgjegjësimi i qytetarëve. Ndërkohë shtoi se aftësia e kandidatëve për të ndërgjegjësuar qytetarët për programin që paraqesin para shqiptarëve është vendimtare.
PJESË NGA FJALA E BERISHËS:
Nga Gjirokastra në Tropojë, socialistët, Edi Ramën e njohin si njeriun më të pabesë, që i hedh një nga një bashkëpunëtorët e tij dhe kjo është e vërtetë. Erion Veliaj e meritonte, ua them unë 100 përqind atë, nuk ka asnjë diskutim. E meritonte plotësisht, por të implikohet e gjithë kupola e partisë pasi ai ishte burgosur dhe arrestuar, të politizojë në këtë shkallë një akt të tillë, kjo është dëshmi, është tipar i ekstremit të majtë, i forcave politike të ekstremit të majtë ose i mafiozëve.
Tani u arrestua, ishte në gjykim, ky merrej me statuset e tij. Absolutisht po. Ky i çonte Ulsiun, organizonin truk pas truku vetëm e vetëm se si ta shpërbënin totalisht në mënyrë që të mos denonconte. Por natyrisht socialistët këto i kanë kuptuar që ai listën që ka në Tiranë, i ka armiq. Grupi Xhafaj është grupi armiqësor. Po, haptas. Është grupi armiqësor. Se këta në këto koncepte ecin. Po kjo situatë është kudo, në të gjitha qarqet. Në garë është bota e krimit.
Ndaj dhe misioni ynë bëhet çdo ditë e më i rëndësishëm. Secili nga ne duhet ta ketë të qartë se fitorja buron nga ndërgjegjësimi i qytetarëve. Aftësia jonë për të ndërgjegjësuar qytetarët për programin që paraqesim para shqiptarëve është vendimtare. Dhe unë u them juve që ky është programi më i mirë që është hartuar ndonjëherë për shqiptarët dhe për Shqipërinë. Fitorja kalon në fuqinë tonë organizative. Fuqinë organizative të fushatës, fuqinë organizative të ditës së votimit, të qendrës së votimit.
