Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Komisionet e posaçme për reformën zgjedhore dhe territoriale, PS depoziton kërkesën në Kuvend
PiranjatPërditësimi i fundit 15 Tetor 2025, 11:40
Partia Socialiste i është drejtuar me një kërkesë Kuvendit për ngritjen e komisionit të posaçëm parlamentar për reformën zgjedhore dhe atë territoriale.
Sipas kërkesës nga grupi i PS, komisioni ka për detyrë hartimin e ndryshimeve legjislative për reformën zgjedhore, në veçanti trajtimin e rekomandimeve të raporteve të OSBE/ODIHR-it për zgjedhjet vendore të 14 majit 2023.
Gjithashtu, komisioni do të trajtojë rekomandimet nga zgjedhjet e 11 majit 2025. Komisioni i Posaçëm ngrihet mbi bazën e barazisë pozitë-opozitë.
Në përbërje të tij do të ketë 16 anëtarë, nga të cilët 8 janë përfaqësues të Partisë Socialiste, 8 përfaqësues nga Partitë e tjera parlamentare. Emrat e anëtarëve të Komisionit përcaktohen me vendim të Kuvendit.
Ndërsa për reformën zgjedhjet, numri i anëtarëve është i njëjtë pozitë-opozitë, për reformën territoriale komisioni përbëhet nga 17 anëtarë, 9 nga PS dhe 8 nga partitë e tjera.
Komisioni i Posaçëm ka për objekt të veprimtarisë së tij:
a) të shqyrtojë kuadrin ligjor dhe institucional të qeverisjes vendore;
b) të analizojë dhe propozojë opsione për ridizenjimin territorial dhe forcimin e kapaciteteve administrative të njësive të qeverisjes vendore;
c) të analizojë sistemin aktual të financave vendore dhe të rekomandojë masa për shëndoshjen financiare dhe rritjen e qëndrueshmërisë së njësive të vetëqeverisjes vendore, duke përfshirë forcimin e decentralizimit fiskal, rritjen e të ardhurave vendore, optimizimin e shpenzimeve dhe përmirësimin e menaxhimit financiar;
ç) të shqyrtojë cilësinë dhe aksesin e shërbimeve publike vendore;
d) të sigurojë përputhshmërinë e propozimeve me acquis të Bashkimit Europian dhe politikat e kohezionit rajonal;
dh) të zhvillojë proces konsultimi tërësor, gjithëpërfshirës dhe transparent me njësitë e qeverisjes vendore, shoqatat e tyre, shoqërinë civile dhe partnerët ndërkombëtarë;
e) të paraqesë përpara Kuvendit dokument analitik me rekomandime për hapat e mëtejshëm dhe projekt-propozime ligjore.
